एनआरएन कोरियाले राष्ट्रिय आविस्कार केन्द्रका लागी सहयोग अभियान संचालन गर्ने
नेपालको ग्रामीण क्षेत्रमा तार रहित संचार सेवाको सुरुवात गरेर रोमन म्यागासेसे पुरस्कार समेत जित्न सफल डा. महाबिर पुन केही समयदेखि एउटा महाअभियानमा जुटिरहेका छन् । नेपालका लागि आवस्यक प्रविधिहरु नेपालमै उत्पादन तथा आविस्कार गर्ने महान लक्ष्य लिएर अगाडि बढिरहेको पुनलाई सरकारी स्तरबाट कुनै सहयोग नपाए पछि फेरि सर्वसाधारण समक्ष सहयोगको अपिल गरेको छ ।
सहयोगको अपिल यस भन्दा अगाडि पनि गरेका थिए र विदेशमा रहेका धेरै प्रवासीहरुले सहयोग पनि गरेका थिए । यसपालि भने पुनले सहयोग ऋणको रुपमा मागेका छन् । तर विदेशमा रहेका नेपालीहरुले ऋणको रुपमा नभई फेरि सहयोगकै रुपमा अभियान नै संचालन गर्न सुरु गरेको छ । यस्तैमा दक्षिण कोरियामा पनि राष्ट्रिय आविष्कार केन्द्रको सहयोगार्थ अभियान संचालन गर्ने भएको छ ।
गैरआवासीय नेपाली संघ राष्ट्रिय समन्वय परिषद् दक्षिण कोरियाले एक प्रेस विज्ञप्ति प्रकाशित गर्दै अभियान संचालन गर्ने जनाएको हो । संथाको बरिस्ठ उपाध्यक्ष दिपक पुनको संयोजकत्वमा १७ सदस्यीय अभियान समिति समेत गठन गरेको छ । समितिमा एनआरएन कोरियाकै केहि पदाधिकारी, संघसंस्थाहरुको प्रतिनिधि र सामाजिक अभियानताहरुको प्रतिनिधित्व रहेको जनाएको छ । समितिमा आवश्यकता अनुसार अझै थप हुनसक्ने विज्ञप्तिमा उल्लेख छ ।
राष्ट्र हितको महायज्ञमा समर्पित एक कर्मयोगीको मनोबल उच्च राख्दै सहयोग पुर्याउनु हामी सबैको दायित्व भएको हुँदा अभियान संचालन गर्न लागेको विज्ञप्तिमा उल्लेख छ ।
एनआरएन कोरियाले दक्षिण कोरियामा रहेका सम्पूर्ण संघ संस्था, नेपाली दाजुभाई; दिदि बहिनीहरुमा राष्ट्रिय आविष्कार केन्द्र संचालनका लागि संचालित यस आर्थिक सहयोग संकलन अभियान प्रति एकतावद्धता जनाइदिनु हुन बिज्ञप्ति मार्फत सम्पूर्णमा अनुरोध समेत गरेको छ ।
सहयोग पठाउने खाता नम्वर
KEB HANA BANK
259-910205-36605
NRNA (주한 네팔인 협회)
