दक्षिण कोरियामा माघि खिचरा पर्व भव्यताका साथ मनाईयो

सउल । ‘आदिबासि थारु हाम्रे , धर्ति पुत्र तराईके…’ वोलको थारु राष्टिय गीतले कोरियाको राजधानी सउल स्थित छा छा छा नाईट क्लब मध्यान्न १२ बजेदेखि नै गुन्जयमान थियो । प्रायजसो रातमा कोरियन गीत बज्ने सो क्लवमा हिजो भने दिउसै देखिनै थारु गित बज्न थालेको थियो ।

त्यसो त छुसक होस् या सलनालको लामो बिदामा प्राय कोरियामा रहेका विभिन्न जातिय, क्षेत्रिय तथा सामजिक सँस्थाहरुले कुनै न कुनै वाहानामा च्यारिटि डान्सपार्टिको आयोजना त्यहि हलमा गरिरहेकै हुन्छ । तर हिजो सलनालको अन्तीमदिन २६ तारिकको माहोल भने अली भिन्न थियो । झिमिक झिमिक रगिंन डिस्को लाईट, त्यसमाथी थारुजातीको माैलीक पहिरन धोती र पगरी (टाउकोमा लाउने सेतो फेटा) लगाएका मानिसहरूको हुलले कार्यक्रमको माहोल लाई अझ रङ्गिन बनाएको थियो । यो माहोल र दृश्य थारु कल्याणकारीणि सभाले आयोजना गरेको माघिखिचरा पर्व तथा साँस्कृतिक कार्यक्रम दृश्य को हो ।

आदिवासी जनजाती महासँघ द.कोरियाका अध्यक्ष युगल तेण्डुप शेर्पाको प्रमुख अातिथ्य तथा थाकस को अध्यक्ष शिब चाैधरीको सभापतित्वमा सम्पन्न कार्यक्रमा मा कोरियाको दर्जन बढि नेपाली जातिय , तथा क्षेत्रीय सँघसँस्थाको प्रतिनिधि हरु विशिष्ट अतिथिको रुपमा उपस्थिती रहेको थियो । जसमा थाकस कोरीयाका संरक्षक राजेस फनैत, एमटयु अध्यक्ष उदय राई, पुर्वाञ्चल सरोकार समाजका अध्यक्ष अमृत राई, एनआरएनए कोरियाको सचिव मनोज गाैतम, पत्रकार महासँघ साखा कोरियाका अध्यक्ष रञ्जनराज कुँवर , किरात राई यायोखा का अध्यक्ष पदम राई, किरात याक्थुङ चुमलुङका अध्यक्ष मिराक लिम्बू , चितवन सम्पर्क समितीका सचिव सागर सापकोटा लगाएतले माघिखीचरा पर्वको सुभकामना मन्तव्य दिएका थिए। साथै विशेष अतिथिकै रुपमा पोनिज कोरियाको अध्यक्ष गोकुल थोकर र नुवाकोट समाजको अध्यक्ष राज दोङको पनि उपस्थिति रहेका थिए ।

कार्यक्रममा स्वागत मन्तव्य थाकसका बरिस्ठ उपाध्यक्ष शिवसंकर महतोले राखेका थिए भने बिधानन्द चाैधरीले कार्यक्रम संचालन गरेका थिए ।

आैपचारीक कार्यक्रम पछी साँस्कृतिक कार्यक्रमको सुरुमै गायक उमेस चाैधरीले ” जै हो माघि, जै हो खिच्री, जै हो तीला संक्राईत….” गित गाएर उपस्थित सबै अतिथि र दर्शकहरुलाई एकसाथ नचाएका थिए। अर्का गाएक अोम चाैधरीको गायन र बिजय चाैधरीको नृत्यले सवैको मन लोभ्याएको थियो। माघिखिचरा पर्वमा खाईने परिकार विशेषगरी घुँगी, तिलको लड्डु, माछा, मुर्हि, प्वाका (चिचर भात) को स्वाद पनि अतिथीहरुले मज्जैले लिए । आयोजकले कार्यक्रम को अन्तीम मा गायक उमेश चाैधरी, आेम चाैधरी र डान्सर बिजय चाैधरीलाई प्रमाणपत्र दिएर सम्मान गरेको थियो।