कोरियामा ४२ सय भन्दा बढीमा कोरोना भाइरस, २२ को मृत्यु
३१ डिसेम्बर २०१९ बाट चिनमा फैलिएको कोरोना भाइरस (कोभिट–१९) को आतंक अहिले दक्षिण कोरियामा आइपुगेको छ । कोरियामा जनावरी २० मा पहिलोपटक कोभिट–१९ देखा परेको हो । चिनको वुहानबाट आएको ३० बर्षिया एक चिनिया महिलालाई उक्त भाइरस लागेको प्रमाणित भएको थियो ।
त्यस यता करिव १ महिना सम्म संक्रमितको संख्या खासै बढेको थिएना । तर करिव १ साता देखि निकै धेरै रफ्तारमा संक्रमितको संख्या बढेको छ भने मृत्यु हुनेको संख्या पनि बढ्दै गएको छ ।
रोग नियन्त्रण तथा रोकथाम केन्द्र कोरिया (केडिसिडि)को पछिल्लो जानकारी अनुसार मृत्यु हुनेको संख्या २२ पुगेको छ भने ४२ सय २२ जनामा संक्रमण फेला परेको छ । आज(मार्च २, ९ बजे सम्म) संक्रमितको ४ सय ७६ ले बढेको हो । हिजो मात्र ८ सय २ जनाले बढेको थियो ।
पछिल्लो जानकारी अनुसार कोरियामा धेरै संक्रमण फैलाउने सहरको रुपमा चिनिएको थेगु सहरमा संक्रमणको संख्या मात्रै आज ३ सय ७७ ल बढेर ३२ सय ९२ पुगेको छ । त्यस्तै ख्याङ्बोकमा ६७ थपेर ५ सय ८१, राजधानी सउलमा ८१ जना, बुसानमा ८८ जना, ख्यङ्गीदोमा ८४, ख्याङ्नाममा ६२, छुङ्नाममा ७८, उल्सनमा २०, थेजनमा १३, ख्वाङ्जुमा ९, खाङवनदोमा ७, इन्छनमा ६, छेन्बोकमा ५, छेङ्नाममा ३, छेजुदोमा २ जना संक्रमित पु्गेको छ ।
अहिले सम्मको तथ्याङ्क अनुसार सबै भन्दा बढी सिन्चोन्जी चर्च संग सम्बन्धित संक्रमित रहेको छ । जुन ५९.९ प्रतिशात रहेको छ । त्यस्तै छेङ्दो देनाम अस्पताल संग सम्बन्धित ३.४ प्रतिशात, आयातीत तथा त्यस संग सम्बन्धित ०.९ प्रतिशात र अन्य कारणले भएको संक्रमितको संख्या ३५.८ प्रतिशात रहेको छ ।
