सउलका सबवेहरुमा मास्क नलगाई हिड्न नपाइने, थप ३५ जनामा कोरोना संक्रमण
सउल । मे १३ देखि दक्षिण कोरियाको राजधानी सउलका सबवे रेलहरुमा यात्रा गर्ने सबै यात्रुले अनिवार्य फेस मास्क लगाउनु पर्ने भएको छ ।
सइल शहर सरकारका अनुसार भीडबाट हुँदा कसैले मास्क नलगाएमा टिकट नदिने वा प्रवेश निशेध गर्न सकिने बताएको छ ।
मास्क नभएका यात्रुहरूले भेन्डिङ मेसिन(अटोमेटिक किन्न सामान सकिने मेसिन) वा सबवेको स्टोरहरुमा किन्न सकिने बताएको छ ।
यो नियम यात्रुको अत्याधिक चाप हुने समयको लागि लागु हुने छ । जुन बिहान ७ बजे देखि ९ बजे सम्म र बेलुकी ६ बजे देखि ८ बजे सम्म हो ।
करिब १ महिना देखि राजधानी सउल तथ समग्र देशमा कोरोना संक्रमितको संख्या निकै कम मात्रामा फेला परेको थियो । तर आइतबार मात्रा सउलकै इथेवनका क्लब हरुमा मार्फत एकैचोटि ३४ जनामा संक्रमण फैलिएको फेला परेको थियो । आज सोमबार नै एथेवेनका क्लबहरु सँग सम्बन्धित संक्रमितहरुको संख्या ८६ जना पुगेको छ । यो संगै दक्षिण कोरियामा फेरि कोरोना संक्रमण फैलिने क्रम बढ्न सक्ने आँकलन गरिएको छ । त्यसैको सतर्कता स्वरुप सउल शहर सरकारले यस्तो कदम चालिएको अनुमान गर्न सकिन्छ ।
रोग नियन्त्रण र रोकथाम केन्द्र कोरिया (केसीडीसी)को सोमबार(मे ११)को तथ्यांक अनुसार आजको थप ३५ जना सहित कोभिड १९ को संक्रमित संख्या जम्मा १० हजार ९ सय ९ जना पुगेको छ । त्यस्तै ९ हजार ६ सय ३२ जना उपचार पछि घर फर्किसकेका छन् । त्यस्तै मृत्यु हुनेमा २५६ जना रहेको छ । आसोलेसनमा जम्मा एक हजार २१ जना रहेको जनाएको छ ।
