राष्ट्रपति मुनले स्वीकारे ट्रमको अनुरोध, दक्षिण कोरिया जी ७ मा सहभागी हुने

सउल । दक्षिण कोरियाली राष्ट्रपति मून जे-इनले अमेरिकी राष्ट्रपति डोनाल्ड ट्रम्पले जी ७(G7) मा सामेल हुन गरेको अनुरोधलाई स्वीकार गरेको छ । सोमबार टेलीफोन कुराकानीको क्रममा यस वर्षको अन्तमा हुने जी ७ को शिखर सम्मेलनमा सहभागी हुन स्वीकार गरेको हो ।

‘दक्षिण कोरियाली राष्ट्रपति मून जे-इनले सोमबार संयुक्त राज्य अमेरिकी राष्ट्रपति डोनाल्ड ट्रम्पको जी ७ शिखर सम्मेलनको निम्तो स्वीकार गरे जसले दक्षिणकोरियाको  अर्थव्यवस्थाको क्षेत्रमा विश्वव्यापी भूमिका खेल्ने प्रतिबद्धतालाई पुष्टि गरेको छ ।’ राष्ट्रपति कार्यलय चेइङ्वा दै लाई उदृत गर्दै समाचार एजेन्सी योन्हापले लेखेको छ ।

उनीहरूको १५ मिनेट टेलिफोन कुराकानी गरेका थिए । ट्रम्पले G7 को पुरानो प्रणालीले वर्तमान अन्तर्राष्ट्रिय सुरक्षा स्थितिलाई प्रतिनिधित्व गर्दैन भन्दै जी ७ लाई जी ११ वा १२ मा बिस्तार गर्ने चाहेको बताएका थिए ।

संवादमा ट्रम्पले आफ्नो योजनामा ​​मूनको दृष्टिकोण बारे सोधेका थिए भने मूनले यसलाई स्वागत गर्दै आमन्त्रितको लागि आभार व्यक्त गरेको जनाएको छ । “म यो स्वीकार्न तयार छु र दक्षिण कोरियाले यो बिश्व अर्थव्यवस्थामा सक्ने भूमिका खेल्ने छ” उनले ट्रम्पलाई भनेका थिए ।

ट्रम्पले यस योजनाले कोरोनाभाइसपछिको युगको तयारीका लागि माईलस्टोन हुने जनाएको छ । यसले कोरोना संक्रमणबाट विश्वको अर्थब्यबस्था र मानिसलाई सामान्य जीवनमा फर्कन मद्दत गर्ने जनाएको छ ।

जी ७, विश्वमा आर्थिक र प्रविधिमा रुपमा शक्तिशाली राष्ट्र मानिने ७ राष्ट्रहरु क्यानाडा, फ्रान्स, जर्मनी, इटली, जापान, संयुक्त राज्य अमेरिका र बेलायतको अन्तरदेशीय संयुक्त आर्थिक संगठन हो । अहिले यो समय सान्दर्भिक नभएको भन्दै यस अघि ट्रम्पले दक्षिण कोरियाको साथै अन्य ३ देश अष्ट्रेलिया, भारत र रसियालाई पनि जी ७ मा सहभागी हुन अनुरोध गरेको थियो ।