जेब्राक्रसिङमा उभिएको एउटा जिन्दगी

प्रिय !! यतिखेर,
हामी छुट्टिएको दिनदेखी
ति दोबाटोहरू,
आजसम्म
हाम्रो प्रेमको बियोगले
रोइरहेछ एकोहोरो,
अहाँ पटक्कै छुट्याएको थिइएन
ती दोबाटोहरुले
हाम्रो प्रेमलाई

थियो त,
ती निस्ठुरी समयले
बरु हाम्रो प्रेमको
मिलनमा पुजिहेछ्न
यतिखेरसम्म
ती दोबाटोहरू
बसाइ सर्न मानिन
कहिल्यै यो मनले
जिवनमा ती दोबाटोहरुबाट
जहाँबाट सुरु भएको थियो
हाम्रो प्रेम
म त्यही दोबाटोको
छेवैमा एउटा अँध्यारो कोठाभित्र
हाम्रो प्रेमसँगै
अहिलेसम्म बन्धित छु

हरेक दिनको सुरुवातसँगै
हर समय
सुरु हुन्छ हाम्रो प्रेमको निमित्त
एउटा आन्दोलन
सुनाउदै हिड्छु
म अचेल
त्यही चौबाटोहरुमा बसेर
तिम्रो प्रेम प्राप्तीका अनुभुतिहरू

तिमिले जस्तै,
मैले नि
मनको चोक,चोकबाट
मुटुको गल्ली गल्लिबाट
जलाइ रहेछ
हार्मै प्रेमको खातिर
ह्र्दयहरुले एउटा प्रेमको आगो
जो प्रत्येक पल पलमा
बलिरहेछ ह्वरह्वर्ती मुटुहरुमा
त्यतिकैमा उभ्याँउछ मलाई
प्रेमको एउटा अदालतमा
र थुनिन्छ तिम्रो प्रेमसँगै
एउटा अँध्यारो कारागार भित्र
छटपटिन्छु बेस्सारी, म

उनिहरु मलाई
न न्याय दिलाउन सक्छन
न फैसला नै सुनाउन सक्छन
चिसो भुइँमा
तिम्रै प्रेमलाइ काखी च्यापेर
निदाउँछु म
एउटा अनिदो निन्द्रा
र बोलिरहन्छु
सपनाहरुमा
कदापी जल्न दिने छैन
हाम्रो प्रेमको तस्बिर
उसै गरि जल्न दिने छैन
तिम्रो छाति
हाम्रो प्रेमको युद्धमा
होमिरहन्छु निरन्तर…..

त्यतिकैमा
पारी क्षितिजबाट
एउटा अदभूत छायाँ !!!
मेरो आँखैमा ठोकिन्छ
म त्यो कारागारको
फलामे ढोका
जबर्जस्त तोडेर
बाहिर निस्किन्छु
त्यही दोबाटोमा
त्यति नै खेर,
अचानक तिमी!!
गाढा रातो कमिज
गाढा नै कालो पेन्ट
अनि आँखामा ह्वाइट चस्मा
देख्दै लोभ लाग्दो
खाइ लाग्दो ज्यान
मै तिर हेरिरहेको थियो

तिर्मिराए मेरा आखाहरू
जहाँ हामी वर्षौं
पहिले छुट्टिएको थियो
मनले भनि रहेको थियो
उनी मेरै मान्छे हुनुपर्छ
गर्ल्याम्म आङ्गालो हाल्छु
म उसलाइ निकै अबेरसम्म
र भन्छु,
यति धेरै जङ्गरहरू तरेर
म आइपुगेकी छु
तिम्रै सामु उभिन
जिन्दगीको एउटा
जेब्राक्रसिङमा

यतिखेर,
यिनै दोबाटोहरुलाई सांच्ची राखेर
म तिम्रो काधमा हात राखी
भनी रहेछु
प्रिय मान्छे,
अब हामी
सधै सगै चाल्नेछौं
जिन्दगिको पाइलाहरू
एउटै जेब्राक्रसिङबाट