आँसु, हाँसो र प्रश्न


को हौं तिमी ?
भन्नुस पत्रकार महोदय !
मेरो गर्भमा हुर्किदै गरेको एउटा
भ्रुणको नामाकरण गर्ने
जात तोकिदिने
थर झुन्ड्याइ दिने
अनि एउटी चेलीको नारित्व माथि
अनेकन कुरुप बिल्लाहरू भिराइ दिने
भन तिमी सत्य तत्थ्य समचार लेख्ने
पत्रकार हौ कि!! एउटा ज्योतिषि
अनि लामा खेन्पो
को हौ तिमी ?

फेरि भन
मलाई नै चिन्ता छैन भने
तिमीले यति धेरै
चिन्ता लिनु नै किन ??
म यो जवाफ सोध्दैछु आज
आफ्नै देशको शिरहरुमा
आफ्नै देशमा दिन दाहडै
आफ्नै आँखाको सामू
ठमेलका कालो गल्लिहरुमा
कालै मन भएकाहरुले
गोङ्गबुका खुल्ला आकाशे पुलहरुमा
अनि गेस्ट हाउसको नाउँमा
खुल्लाम खुल्ला यौन धन्दा
चलाइरहँदा एक कप गाढा मिल्क टि
एक प्लेट म:म अनि चाउमिनमा
आफ्नो हैसियत गुमाएर
लुरुक्क पर्ने तिमीहरू
चुइँक्क समेत नबोल्ने तिमीहरू
आज आफ्नो पसिना बेचेर
मन भरी दर्दनाक अनि पीडाको
नासो बोकेर आफ्नै माइतीको अँगानी
टेक्दा किन यत्रो उधुम मच्चाउनु पर्ने
कुनै कारण छ कि ??
मिडियाको नाउँमा
म को समेत पूर्ण
उच्चारण गर्न नजान्नेहरू
मात्रै कसरी हुन्छ बढी दर्शक थुपार्नेहरू

तिमीहरुलाई के थाहा !
पीडाको अनूभव कस्तो हुन्छ भनेर
सक्नुहुन्छ आफ्नै देशको सक्कली
चेलिहरुको सिन पोस्ट गर्नुस
सक्नुहुन्न यस्तो विपत्तिमा
चेलीहरुको अपमान नगर्नुस
आफ्नै देशमा मेरो संसार नदेखे पछि
मेरो पसिनाको मूल्य नपाए पछि
महिनौ लाइनमा राखेर नि
राहदानी हात नपरेपछि
हो हजुर पुरै १५ हजार
सरलक्कै तिरेर
बल्ल मेरो हातमा एउटा खोस्टो
राहदानी परेको थियो
त्यतिखेर मन खुसीले चङ्ग बनेको थियो
उडेको थियो खुल्ला आकाशमा
मेरा हजारौ सपनाहरु एकै चोटि
योग्यताको प्रमाणपत्रहरुको चाङहरुलाई
एउटा पुरानो सन्तुषमा थुनिदै
जीवनमा हर समय सिकेका सबै
अनुभुतिका सुत्रहरुलाई
आफुसँगै च्यापेर उडेको थिएँ
ती निला,हरिया आँखैले
देख्नै नभ्याउने यो सुन्दर
मेरो आमाको छाती जस्तै समुन्द्रमाथि
म सँगै मेरा परिवारको सपनाहरू बोकी
मेरो आमाको चाउरीएको
निधारका धर्साहरु पुन तन्काउन
आपालाई नियमित औषधि सेवन गर्न
अनि भाइ बहिनीलाई
काठमाडौको महङ्ग
बोडिङ्ग स्कुलमा पढाउन
तर बिडम्बना
म गएको केही
समय,दिन, महिना र वर्ष
हुँदै वर्षिन थाल्यो
अरुको मुलुकमा
अरुकै कर्कस बोलिहरू
लुट्न थाल्यो बिस्तारै
मेरा कलिलो यौवनका रंगहरू
फुल जस्तै सुन्दर
वैंशका उमंगहरू
म त्यतिखेर निरिह बनेर
उनीहरुले भनेको मानिरहनु ,
खुरुखुरु काम गरिरहनु बाहेक
कुनै बिकल्प थिएन मसँग
ढलेको थियो सपनाको पहाडहरू
एकै चोटि गर्ल्यम्म
मेरो अस्मिता नलुटेको
कुनै दिन थिएन
आँखाका ढकनिहरु आंँसुले
नभिजेको कुनै रात थिएन
हो त्यसै दिन देखि सहेकै हो
अशैय्या पीडाहरु
सिकेकै हो कठोर बन्न
थामेकै हो आँसुले मनहरू
के अनुभव गर्न सक्छौ तिमीहरू !
मेरो जिवनको हरेक समयको
बिछिप्त पार्ट पार्टहरुलाई
सक्नुहुन्छ केलाउन ?
अनि शब्दहरूमा खेलाउन
एउटा सिनेमाको कथा जस्तै लेख्नुस
अनि देखाई दिनोस न
हाम्रा हजारौ चेलीहरूको
जीवन भोगाइको
असंख्या दर्दनाक पीडाहरुलाई
यो देशको छातीको
एउटा ठूलो सेतो पर्दाहरूमा
जहाँ हामी निर्धक्क साथ
यो देशको सम्मानित
चेली भएर बाँच्न सकोस

आफ्नो प्रतिक्रिया दिनुहोस |
सम्बन्धित शिर्षकहरु
  • एनआरएन कोरियाको आठौ कार्यसमितीको नामा घोषणा तर सपथ ग्रहन बाँकी
  • एनआरएन कोरियाका क्षेत्रिय अध्यक्ष मदन भुजेलको आकस्मीक निधन
  • एनआरएन कोरियाको आठौ अधिवेशनको निर्वाचन शनिबार गरिने
  • एनआरएनए कोरियाको सचिव पदमा परी गुरुङको उम्मेदवारी ।
  • ईपिएस

    २०२२ का लागि काेरियामा बढ्याे तलब

    सन २०२२ का लागि दक्षिण कोरियामा मजदुरको तलब वृद्धि भएको छ । जसअनुसार मजदुरले अव प्रतिघण्टा न्यूनतम ज्याला ९१६० वोन ($७.९८) प्राप्त गर्न सकिनेछ । जुन ५.१ प्रतिशतले वृद्धि हो । अहिले कोरियामा प्रतिघन्टा ८७२० वोन रहेको छ । सरकारी भवन सेजोङमा सोमबार मध्यरातमा २७ ...

    भिषा सकिएका इपिएस कामदारलाई यही अप्रिल १३ बाट स्वत एक वर्ष भिषा थपिने

    दक्षिण कोरियामा इपिएस मार्फत कार्यरत विदेशी कामदारहरुलाई भिषाको अवधि सकिएपनि यही अप्रिल १३ तारिखबाट स्वात एक वर्ष भिषा थपिदिने भएका छन् । कोरियामा कोरोनाका कारण विदेशी कामदार भित्रिन नसकेपछि कामदारको अभावलाई पुर्ति गर्र्न एक वर्षको भिषा थपिदिने निर्णय ...

    दक्षिण कोरियामा कामदारको तलब बढ्यो

    नयाँ बर्ष सुरु भएसँगै दक्षिण कोरियामा कामदारको न्युनतम तलब बृद्धि भएको छ । गत वर्षको तलब भन्दा १.५ प्रतिशत बढि प्रतिघन्टा ८ हजार ७ सय २० वन (८ सय ७० रुपैया) पाउने भएका छन् । यो बर्ष कोरोना महामारिका कारण देशमा आर्थिक मन्दी भएको भन्दै सन् १९८८ देखि कै कम तलब बढेको हो ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...