सउल नगरको मेयर मृत फेला, आत्महत्याको आशंका
दक्षिण कोरियाको राजधानी सउल महानगरको मेयर पार्क वान-सुन शुक्रबार मृत फेला परेको छ । परिवारबाट हराएको सुचना पाएको केहि घण्टा पछि सउलकै माउन्ट बुककको जंगली पहाडमा मेयरको सब भेटिएको समाचार एजेन्सी योन्हापले जनाएको छ ।
प्रहरीका अनुसार मेयरकी छोरीले मेयर घरबाट हिडेको करिब ५ घन्टा पछि फोन सम्पर्क समेत हुन नसकेपछि बिहीवार ५ बजेर १७ मिनेटमा हराएको भन्दै रिपोर्ट गतेको थियो । त्यस पश्चात् खोजी गर्दा मध्य रात भन्दा केहि समय पछि मृत फेला परेको हो । सउल महानगरका अनुसार बिहिवार स्वास्थ समस्याको कारण देखाएर अफिस नआएको जनाएको छ ।
मेयरले आत्महत्या गरेको हुन सक्ने प्रारम्भिक अनुमान गरिएको छ । ६४ बर्षिय मेयर विरुद्ध आफ्नै पुर्ब स्वकीय सचिव(सेक्रेटरी) ले यौन दुर्व्यवहार सम्बन्धि रिपोर्ट समेत परेको जनाएको छ । समाचार अनुसार बुधबार मात्र पुर्ब सेक्रेटरीले आफुलाई अनावश्यक शारीरिक सम्पर्क(physical contact) तथा अनावश्यक म्यासेज गरेको भन्दै रिपोर्ट गरेको थियो । सउल मेट्रोपोलिटेन पुलिसमा उनले रिपोर्ट गरेको हो ।
यद्यपि मेयरको मृत्यु के कारणले भएको हो भन्ने कुरा अनुसन्धान पछि मात्र यकिन हुने जनाएको छ ।
