फुटेर होइन जुटेर काम गरौं


गुमाएको भुमि फिर्ता गर्नलाई नयाँ नक्सा जारी गर्नु केपी ओलीको पाप थियो ? नागरिकता विधेयक संशोधन गर्नु यो राष्ट्र, राष्ट्रियताको र पक्षमा थियो कि थिएन तीन करोड जनताले यो स्वाभिमानी सरकारले गरेको कामहरु नियालिरहेका छन् । जबजब देश संकटमा फस्दै जान्छ तब तब राष्ट्रनायक आवश्यक परिरहन्छ ।
२०७२ सालको भूकम्पले देश र जनता दलदलमा डुबिरहेको थियो । त्यो पीडामा हाम्रो छिमेकी राष्ट्र भारतले अघोषित रुपमा नाकाबन्दी लगायो । हाम्रो छिमेकी मुलुकको यस्तो घृणित काम हामी नेपाली जनताले सहनु पर्यो । वास्तवमा यो संयुक्त राष्ट्रसंघको नियम विपरित थियो । हाम्रा देशका जनताले आफ्नै देशमा आवतजावत गर्न पनि गाह्रो भो । मुख्य शहरहरुका जनताहरुले भने दैनिक उपभोग्य सामान कित महंगोमा किने कि पाएनन् ।
त्यो बाध्यात्मक परिस्थितिलाई सहज गर्नको निम्ति मित्रराष्ट्र चीनसँगको सन्धि सम्झौताहरु भए । सन्धी सम्झौताले नेपाली जनता र राष्ट्रलाई ठूलो राहात मिल्यो । जसको नेतृत्व प्रधानमन्त्री केपी शर्मा ओली गरेका थिए । हो नेपाली जनताको चाहना पनि यही थियो । वास्तवमा सरकारको काम र कर्तव्य यही थियो तर दुर्भाग्य देशभित्र नै केपी शर्मा ओली नेतृत्वको सरकार ढाल्न सुरु गरियो । संसदमा अविश्वासको प्रस्ताव पेस गरियो । यो सरकार ढाल्नको निम्ति भारतबाट समेत अदृश्य शक्तिहरु लागे परे । केही संसदहरुको किनबेच भयो भन्ने पनि सुनियो । केपी वलीको सरकार ढल्यो ।
देशमा संकट पैदा भयो । आम नेपाली जनता निराश भए । विकासका कामहरु भने जसरी भएन । कांग्रेस र माओवादीको सरकार गठन भयो । त्यही सरकारले तीन तहको निर्वाचन गर्यो । स्थानीय निर्वाचनमा नेपाली कांग्रेस र नेकपा माओवादी गठबन्धन गरे । नेकपा एमाले एक्लै स्थानीय निर्वाचनमा प्रतिस्पर्धा गर्न तयार भयो । स्थानीय निर्वाचनमा गठबन्धन गर्ने काँग्रेस र माओवादी भन्दा नेकपा एमालेले धेरै स्थानहरु विजय हासिल गर्यो ।
स्थानीय निर्वाचनको परिणामले एमालेको सरकार आउँछ भन्ने आमजनतालाई लागेको थियो । त्यसैबखत गठबन्धन नेपाली कांग्रेसबाट बिस्तारै बिस्तारै नेकपा(माओवादी) एमालेसँग गठवन्धन गर्ने निर्णयमा पुग्यो । प्रदेश सभा र प्रतिनिधिसभाको निर्वाचनमा होमिने निर्णय गर्यो । ६ वटा प्रदेशहरुमा स्पष्ट बहुमतका साथ विजय हासिल गर्यो पनि ।
अहिले नेकपासँग सरकार गठन गर्न संसदमा दुईतिहाइको हाराहारीमा छ । सरकारले धेरै राम्रा कामहरु गरिरहेको अवस्था छ । त्यस्तै राम्रा कामहरूको कुरा गर्दा लिपुलेक लिम्पियाधुरा कालापानी सहितको भूमी सहितको नक्सा औपचारिक रुपमा जनता सामु ल्यायो । वर्षौँदेखि भारतीय सेनाले कब्जा गरेको नेपालको जमिन निशान छाप संशोधन विधेयकमाथि सबै दलहरुले साथ दिए र संविधान संशोधन बहुमतले पारित गर्यो । देशैभर खुशीयाली छायो । देशले साँच्चै नै इतिहास रच्यो ।
प्रधानमन्त्री केपी शर्मा ओलीको इतिहासमा सुनौलो अक्षरमा नाम लेखिनेछ । राष्ट्र र राष्ट्रियताको पक्षमा यति ठूलो निर्णय गर्ने पहिलो ब्यक्तिको नाममा । पार्टी एकता गर्ने पहिलो सूत्रधार पनि केपी शर्मा ओली नै हुन् । पार्टीमा गुट उपगुट निकै फस्टाएको सबैलाई सर्वविदितै छ । सरकार सञ्चालन गर्ने क्रममा आफ्नो पार्टीबाट असहयोग भएको कुरा प्रष्टरुपमा देख्न सकिन्छ ।
भनिन्छ आफ्नै पार्टी भित्र प्रतिपक्ष जस्तो भूमिका निर्वाह गर्ने धेरै छन् । यस्तो प्रतिकूल अवस्थामा हरेक मिडियाहरुले नकरात्मक समाचारहरु सम्प्रेषण गर्दिने जनताको सामु अलोकप्रिय बनाउने कामहरु भैरहेका छन् । विश्वभर कोरोनाले अर्थतन्त्र तहसनहस भएको अवस्थामा सरकारलाई साथ दिनु त कता हो कता उल्टै लोकतन्त्र र गणतन्त्र माथि धावा बोल्ने काम देशी विदेशी शक्तिहरु बाट भइरहेको छ ।
सरकार संचालनको काममा पार्टीको भूमिका निर्णायक हुन्छ तर पार्टीका शीर्ष नेताहरुबाट प्रधानमन्त्रीको खुट्टा तान्ने कामहरु हुन थाल्यो यस्तो प्रवृत्ति यस्तो चलखेल कहाँबाट पार्टीका शीर्ष नेताहरुले ग्रहण गरिरहेका छन् । यो समयले अबश्य पनि बताउनेछ । यता सिँगारी हराउनु जङ्गलमा बाघ कराउनु उस्तै भएको छ ।
जनताले सरकार सञ्चालनको निम्ति पाँचवर्ष स्थिर सरकार होस देश विकास तीव्ररुपमा होस् भनेर आफ्नो अमुल्य मतदान गरेका थिए । यो अमुल्य मतदानको अपमान हुनेगरी जनताको सपनालाई टुक्राटुक्रा पार्ने गरी फेरी पनि सरकार ढल्ने पार्टी फुटाउने देशमा अस्थिरता पैदा गर्ने षड्यन्त्र भइरहेको छ । यस्तो षड्यन्त्र रोक्नको निम्ति आम नेपाली जनता एकढिक्का भई लाग्नुपर्ने देखिन्छ । सरकारको बचाउ गर्नको निम्ति मात्र होइन कि राष्ट्र राष्ट्रियता स्वतन्त्रता बचाउनको निम्ति हामी हरेक नेपाली जनताले खबरदारी गर्नुपर्ने हुन्छ ।
पार्टीमा भएका विभिन्न नेता तथा कार्यकर्ताहरुको मात्र यो देश हुँदैहोइन । पार्टीमा भएका नेताहरुलाई हेक्का होस् पानी बिनाको माछा र जनता बिनाको नेता हुनसक्दैन । तेसैले जनताभन्दा पार्टी ठूलो होइन । सरकारलाई असहयोग गर्ने पार्टी भित्र निकै हाबि भइरहेको आम नेपाली जनताले आभाष गरिरहेका छन् । यसको दोष सबै नेताहरुले लिनुपर्ने हुन्छ कि पी शर्मा ओलीलाई मात्र दोष खाने हो भने पार्टीमा रहेका शीर्ष नेताहरूको काम र कर्तव्य के हुनेछ यो समयले अवश्य पनि प्रष्ट्याउने छ । पार्टीको फुटाउनु हरेक समस्याहरू पैदा गर्नु मात्र नेताहरूको ध्यान केन्द्रित भएको छ । यसमा हरेक कार्यकर्ताहरुले केन्द्रीय कमिटी सचिवालय सबै स्थानीय तहका नेताहरु जिम्मेवारी बन्नुपर्ने देखिन्छ । फुटाउनु भन्दा जुटाउनुमा सम्पूर्ण नेताहरूको ध्यान जाओस यसैमा देश, जनता, राष्ट्र र राष्ट्रियताको भलाइ हुने देखिन्छ ।
(लेखक प्रवासी मञ्च कोरियाका पुर्व केन्द्रिय सदस्य हुन् । यो लेख लेखककाे नीजि बिचार हो । )

आफ्नो प्रतिक्रिया दिनुहोस |
सम्बन्धित शिर्षकहरु
  • गायक तथा सर्जक पुरन गुरुङको “ए ङोल्स्यो मारा” अब बजारमा ।
  • गायक सुर्य रुम्बाको “दुइ शब्द” सार्वजनिक (भिडियो)
  • देव स्याङतानको “कात्रोमा खल्ती हुँदैन साथी” बोलको गीत सार्वजनिक
  • नाङ्साल साङ्गितिक सौगात कार्यक्रमको आयब्यय सार्बजनिक
  • ईपिएस

    ‘घर जाउँ प्लेन उड्दैन, बसूँ भिसा छैन’

    आसिक नेपाल अप्रिल ६ मा स्वदेश फर्कन तयारी अवस्थामा थिए । फलामका सामान बनाउने कम्पनीमा तीन वर्षदेखि काम गर्दै आएका उनले कम्पनीबाट हिसाब–किताब र बिदा लिइसकेका छन् । तर सरकारले कोभिड–१९ संक्रमण फैलिएका देशबाट आउने उडान अप्रिल १२ सम्म बन्द गर्ने निर्णय गरेपछि उनी ...

    रोजगार अनुमति प्रणाली (ईपिएस)को सुधारको माग गर्दै कोरियाली संबैधानिक अदालतमा मुद्दा दायर

    रोजगार अनुमति प्रणाली (इपिएस) को सुधारको माग गर्दै बुधबार कोरियाली संबैधानिक अदालतमा मुद्दा दायर गरिएको छ । कोरियाका मजदुर संगठनहरु प्रवासी मजदुर संगठन(एमटियू) र कोरियाली मजदुर संगठन(केसीटियू) अगुवाईमा ईपिएस मार्फत काम गरिरहेका विभिन्न देशका कामदारले सो मुद्दा ...

    हालसम्म ५८ जना नक्कली प्रशिक्षार्थी मार्फत परिक्षा दिएर आएका नेपाली पक्राउ : ५३ जनालाई नेपाल फिर्ता ५ जना अध्यागमनको नियन्त्रणमै

    कोरियाली अध्यागमन बिभागले एक विज्ञप्ती मार्फत हालसम्म ५८ जना नेपाली पक्राउ परेको जनाएको छ । यस मध्ये ५३ जनालाई नेपाल टिर्पोट गरिएको र ५ जनालाई थप अनुसन्धान गरिरहेको अध्यागमन बिभागले जनाएको छ । कोरियाली भाषा परिक्षाको प्रवेश पत्रको फोटो र कोरिया प्रवेश गरेर ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...