आदिवासी जनजाती महासंघ बुसान शाखाको वार्षिक साधारण सभा तथा २६ औ विश्व आदिवासी जनजाती दिवस अगास्ट ९ मा हुने

नेपाल आदिवासी जनजाती महासंघ बुसान शाखाको वार्षिक साधारण सभा तथा विश्व आदिवासी जनजाती दिवस एकै दिन मनाउने भएको छ। गत आईतबार दक्षिण कोरियाको किम्हेमा भएको महासंघ बुसान शाखाको बैठकले साे निर्णय गरेकाे हाे ।
कार्यक्रम कार्यवाहक अध्यक्ष रण तामाङको अध्यक्षतामा जनजाती महासंघ मातहातका जातीय संघ सस्थाका प्रमुख, सस्थाका संरक्षक, सल्लाहकार लगायत आदिवासी जनजाती अभियान्ताको सहभागिगता रहेकाे थियाे । हाल संस्थाको अध्यक्ष बिदामा नेपाल गएर काेरिया नफर्किने भएको हुँदा संस्थाले गरेको वार्षिक कार्य विवरण लगायत पदपुर्ति गर्नु पर्ने भएको हुँदा वार्षिक साधारण सभा गर्न लागेको कुरा कार्यवाहक अध्यक्ष रण तामाङले बताए । त्यसै गरि त्यसै दिन “विश्वका आदिवासी हरु एक हौ।”संस्कार सस्कृति भाषा भेष हाम्रो पहिचान ।” समान अधिकार सहित देश निर्माणको अभियान” भन्ने मुल नाराका साथ २६ औं विश्व आदिवासी जनजाती दिवस पनि मनाउने भएकाे छ ।
साे कार्यक्रममा महासंघ अन्तरगतका सम्पुर्ण जातीय संघ सस्थालाइ सहभागी हुन अायाेजकले अाग्रह गरेकाे छ । साथै ख्याङ्साङ बुसान क्षेत्रमा रहनुहुने सम्पुर्ण आदिवासी जनजाति समुदयलाई नै आ आफ्नो भेष भुषामा उपस्थिति हुनको लागि हार्दिक अनुरोध तथा निमन्त्रणा गरिएको छ।