नेफिन कोरियाले विश्व आदिवासी दिवस तथा वार्षिक साधारण सभा अगस्ट १६ मा गर्ने

नेपाल आदिवासी जनजाति महासंघ(नेफिन) दक्षिण कोरियाले विश्व आदिवासी दिवस तथा महासंघको वार्षिक साधारण सभा आगामी अगस्ट १६ मा गर्ने भएको छ । साथै सोही साधारण सभाबाट संघको रिक्त रहेको पदमा पदपूर्ति समेत गर्ने संघको प्रवक्ता तथा सचिव राजु राइले जारी गरेको प्रेस विज्ञप्तिमा जनाएको छ ।

आइतबार भएको महासंघको कार्यसमितिको जुम मिटिङबाट उक्त निर्णय भएको हो । कोरोना महामारीको कारण विगतको जस्तो बृहत हुन नसकेपनि कोरियन सरकारले तोकिएको मापदण्डलाई पालान गर्दै कार्यक्रम आयोजना गर्ने जनाएको छ । कार्यक्रममा जातीय तथा क्षेत्रीय संघसंस्थाको १ देखि २ जना मात्र प्रतिनिधिलाई आमन्त्रण गर्ने अध्यक्ष युगेल तेन्डुपले जानकारी दिएको छ । ‘विगतमा हामीले ठुलै माहोलमा कार्यक्रम गरेकै हो अहिले कोरोना महामारीको कारण त्यस्तो बृहत रुपमा गर्न नपाइने भएकोले यसरी गर्न लागेको हो ।’ अध्यक्ष शेर्पाले बताए । त्यस्तै बिश्व आदिवासी दिवस कार्यक्रमको संयोजक महासंघको अध्यक्ष सोम तामाङले गर्ने निर्णय गरेको छ ।

कार्यसमितिको उक्त बैठकले संघको साधारण सभाको अवसरमा महासचिव लगायत विविध कारणले खाली रहेको अन्य पदहरुमा पदपूर्ति पनि गर्ने जनाएको छ ।

साथै संघको अपुरो तथा अति आवस्यक बुँदाहरु संशोधन गर्न संरक्षक लोचन राईको संयोजकत्वमा बिधान संशोधन समिति पनि गठन गरेको छ ।