चुम्लुङ कोरिया बुसानद्वारा वनभोज एवम भेटघाट कार्यक्रम सम्पन्न
किरात याक्थुङ चुम्लुङ बुसान दक्षिण कोरियाले गर्मी बिदाको अवसर पारेर वनभोज तथा भेटघाट कार्यक्रम सम्पन्न गरेको छ। अगष्ट ०२ तारिख आईतबारका दिन गजेदो स्थित ओप्पो डाडामा कार्यक्रम आयोजना गरिएको थियो।
गैर आवासीय नेपाली संघ कोरियाका अध्यक्ष यज्ञ राज सुवेदीको प्रमुख आतिथ्य रहेको कार्यक्रममा
कोरियामा छरिएर रहेका याक्थुङ तथा गैर याक्थुङ समुदाय बिच मैत्रीपूण भेटघाट गरिएको थियो। यो वनभोज एवम भेटघाट कार्यक्रमले याक्थुङ एवम गैर याक्थुङबीच एक आपसमा आत्मियता जोड्नका लागि पुलको काम गर्ने आयोजकले जनाएको छ।
वनभोज कार्यक्रममा मनोरञ्जनात्मक प्रतियोगिताहरु गरिएका थिए। लठ्ठा तान्ने प्रतियोगितामा गजेद, हाडी फुटाईमा सनम बाबु यसैगरी छेलो हान्नेमा प्रथम रोसन लिम्बु, दितिय चिरन्जीबी भटराई र रेसमान लिम्बु तृतीय भएका थिए। म्यूजिकल चियर प्रतिस्पर्धामा प्रथप परी गुरूङ्गर द्वितियमा दोस्तीहाङ्ग राई भएका थिए। भाग्य चिठ्ठामा प्रथप टिकाराज लिम्बु, दितिय १२०६ (टिकट नम्बर) , तृतिय संजय राई र सान्तवना चन्द्र लिम्बुले जितेका थिए। विजेताहरुलाई नगत सहित आकर्षक पुरस्कार प्रदान गरिएको थियो।
कार्यक्रममा विभिन्न क्षेत्रका याक्थुङ एव गैर याक्थुङहरुको बाक्लो सहभागीता रहेको थियो।बिशेष अथितिको रुपमा आदिबासी जनजाती ख्यङ्साङ्नाम्दो बुसान साखाका कार्यबाहक अध्यक्ष रण तामाङ्ग कि.या.चु बुसानका निवर्तमान अध्यक्ष किरण कन्दङ्वा उपस्थित थिए यसैगरी बरिष्ठ सल्लाहकारहरु पराजित पोमु, बिङकल चेम्जोङ,कल्पना कन्दङवा, शुरेससिङ सम्बाहाम्फे किरात राई यायोक्खा बुसानका अध्यक्ष दोस्तिहाङ्ग राईको पनि उपस्थिति रहेको थियो।
कियाचु बुसानका उपाध्यक्ष नाफिसा लावतीले शुभकामना मन्तव्य राखेकी थिइन् भने अध्यक्ष दिवा वारूमहाङ्गको सभापतित्वमा कार्यक्रम समापन भएको थियो। औपचारिक कार्यक्रमलाई संन्जोग कन्दङ्वाले र मनोरञ्जनात्मक कार्यक्रम अल्बर्ट सम्बाहाम्फेले सञ्चालन गरेका थिए।
