समिर बमजनका तीन गजलहरू – वाचन सहित (भिडियो)
गजल -१
सोच्छु यो सबथोक के के ले सिकाउछ
यस्तो लाग्दैन मान्छेलाइ मान्छेले सिकाउछ ।
कर्ममा भन्दा भाग्यमा साधना गर्नेहरुले
अर्थ लगाउँछ जिन्दगी भाग्यले सिकाउछ
बिचार भन्दा हतियार ठुलो त्यो बेला भैदिन्छ
भोको पेट नाङ्गो शरीर र समयले सिकाउछ
चुनाबमा जानु अघि सिक्नु के हो देशप्रेम
रातदिन खाडिमा पसिना बेच्नेले सिकाउछ ।
गजल – २
निरंकुश सामन्तीहरुको अत्याचार देखेपछी
शोषण दमन र अन्याय बारम्बार देखेपछी
किर्ते छाप म लाउदिन भनी बस्नुहुन्थ्यो बा
केही सीप चलेन अगाडि हतियार देखेपछि
सहज थिएन त्यो बाटोहरु मुक्ती या मृत्युको
होमिएको हु खोसिएको अधिकार देखेपछी
युद्दमैदानमा जब निशाना घुमाउछ सिपाही
आफै दुश्मनको भाषा बोल्ने गद्दार देखेपछी
मेरो सरकार छ जस्तो लाग्दैन अचेल मलाइ
हातमा राहधानी र बालुवाको संसार देखेपछी
गजल-३
सरकार आफ्नै सुरमा छ आफ्नै तालमा छ
भएन देश बिकाश जनता कुन हालमा छ
भोक तिर्खाले पनि यसरी बर्ग छुट्ट्याइदिन्छ
कुनैको टपरी त कुनै सुनको थालमा छ
युद्द जसले जोसंग गरेपनी मर्ने गरिब नै हो
शोषणको नशा शासकको खाल बगालमा छ
सन्चो बिसन्चो के छ भनी सोध्ने त आमा मात्रै हुन
अरु सबै कति कमायो भन्ने सवालमा छ
के सोचेन यो पर्देशिले पर्देश आएपछी
यो शरीर बाहेक अरु सप्पै नेपालमा छ
भिडियाे
