कुलमान घिसिङकालाई पुनःनियुक्ति गर्न आदिवासी जनजातिको माग


गत हप्ता नेपाल विद्युत प्राधिकरणको प्रमुख बाट आफ्नो कार्यकाल पूरा गर्दै कुलमान घिसिङ बिदा भए । सबैको अनुमान थियो उज्यालो नेपालको महानायकको रुपमा स्थापित भैसकेको कुलमानलाई वर्तमान सरकारले निरन्तरता दिनेछ । तर सबैको अनुमान बिपरित सरकारले कुलमानको कार्यकाल थपिएन । त्यस पश्चात् चौतर्फी रुपमा सरकारको आलोचना मात्रै हैन स्वस्फूर्त सडकमा समेत आउन थालेको छ । यसै क्रममा आदिवासी जनजातिहरुको छाता संगठन नेपाल आदिवासी जनजाति महासंघ(नेफिन)ले पनि एक प्रेस विज्ञप्ति जारी गर्दै कुलमान घिसिङलाई पुनःनियुक्ति गर्न माग गरेको छ ।

शनिबार (असोज ३ गते) जारी प्रेस विज्ञप्तिमा १८ घण्टासम्म लोडसेडिङका कारण अन्धकारमा बस्नु परिरहेको अवस्थामा कुलमानको नियुक्ति लगत्तै देशलाई अन्धकारबाट मुक्त गराउनुका साथै घाटामा गएको प्राधिकरणलाई नाफामा समेत लान सकेकोले फेरि नियुक्ति गर्नुपर्ने माग गरेको छ । साथै यो कुनै राजनीतिक चमत्कारले सम्भव भएको नभै कुलमानको कुशल व्यवस्थापनकै कारण सम्भव भएको बताएको छ ।

“घिसिङजस्तो कुशल नेतृत्वलाई कामका लागि पुनःअवसर दिनु नागरिकको आवाज मात्र नभई मुलुकको सुखी नेपाली र समृद्ध नेपालको सपनालाई साकार पार्न तथा विकास र समृद्धिका लागि कोसेढुङ्गा सावित हुने प्रष्ट पार्दछौं ।” प्रेस विज्ञप्तिमा लेखिएको छ ।

प्रेस विज्ञप्तिको पुर्ण पाठ
नेपाल विद्युत प्राधिकरणका निवर्तमान कार्यकारी निर्देशक कुलमान घिसिङको पुनःनियुक्तिको सम्बन्धमा राष्ट्रिय/अन्तर्राष्ट्रिय रूपमा आवाज उठिरहेको सन्दर्भमा उहाँको कार्यकाल पुरा भएको यतिका दिन बितिसक्दा समेत नेपाल सरकारले आजसम्म कुनै निर्णय नलिएकोप्रति नेपाल आदिवासी जनजाति महासंघको गम्भीर ध्यानाकर्षण भएको छ ।
कुनैबेला नेपाली जनताले १८ घण्टासम्म लोडसेडिङका कारण अन्धकारमा बस्नु परिरहेको अवस्थामा उहाँको नियुक्ति लगत्तै देशलाई अन्धकारबाट मुक्त गराउनुका साथै घाटामा गएको प्राधिकरणलाई नाफामा लान सक्नु कुनै राजनीतिक चमत्कार नभई घिसिङको नेतृत्वमा कुशल व्यवस्थापकीय कार्य सम्पादनकै कारण उहाँ नेपाली जनजन र मनमनमा बस्नुभएको छर्लङ्ग छ ।
अहिले पनि नेपाली जनतामा कतै असक्षम व्यवस्थापनका कारण लोडसेडिङ फेरि भोग्नुपर्ने त होइन भन्ने त्रास र अविश्वास कायम रहिरहेको अवस्थामा घिसिङजस्तो कुशल नेतृत्वलाई कामका लागि पुनःअवसर दिनु नागरिकको आवाज मात्र नभई मुलुकको सुखी नेपाली र समृद्ध नेपालको सपनालाई साकार पार्न तथा विकास र समृद्धिका लागि कोसेढुङ्गा सावित हुने प्रष्ट पार्दछौं ।
लोडसेडिङ मुक्त उज्यालो नेपाल बनाउन सफल नेतृत्वको रूपमा चिरपरिचित पहिचान बनाएका कुशल व्यवस्थापक कुलमान घिसिङलाई पुनःनियुक्त नगर्नु र आनकानी गर्नुमा सदिऔँदेखि राज्यबाट हेपिएका–सीमान्तकृत बनाइएका आदिवासी जनजाति समुदायका व्यक्ति भएकै कारणले त होइन भन्ने पर्याप्त आशंका सरकारको ढिलासुस्ती र आनकानीले उत्पन्न गराएको छ । यदि त्यसो हुन गएमा जनताको मतबाट निर्वाचित सुविधाजनक बहुमत प्राप्त सरकारले जनताकै भावना र चाहनालाई अवमूल्यन् गरेको र नेपालको संविधानले व्यवस्था गरेको समानुपातिक समावेशी सिद्धान्तविपरित भएको ठहरसँगै यस विरुद्ध हामी आदिवासी जनजातिहरुको विरोध हुने स्पष्ट पार्दछौं ।
तसर्थ, सफल एक कार्यकाल पुरा गरेर परिक्षणबाटै लोकप्रिय भइरहेका घिसिङलाई विविधितायुक्त नेपाली जनताको मनोभावनालाई सम्बोधन गर्न नेपाल विद्युत प्राधिकरणको कार्यकारी निर्देशक पदमा पुनःनियुक्त गर्न गराउन हामी नेपालका सम्पूर्ण आदिवासी जनजातिहरूको साझा संगठन नेपाल आदिवासी जनजाति महासंघ र नेपालका सम्पूर्ण आदिवासी जनताको तर्फबाट सरकारसँग जोड्दार आग्रह गर्दछौ ।

कोभिड–१९को विरुद्ध सबै एकजुट हुन हार्दिक अपीलसहित ।
जय आदिवासी जनजाति ।

…………………………………………..
श्री जगतबहादुर बराम
अध्यक्ष

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • सागर माङ्मुको नेतृत्वमा ताप्लेजुङ सम्पर्क समिति दक्षिण कोरियाको नयाँ कार्यसमिति
  • कृष्ण गण्डकी समाज दक्षिण कोरियाद्वारा मृगौला पिडित प्रेम बहादुर थापालाई सहयोग
  • नेपाल तामाङ संघ दक्षिण कोरियाको दशौं अधिवेशन फेब्रुअरी १२ मा हुने
  • स्याङ्जा परिवार थेगु शाखाको वार्षिक साधारण सभा सम्पन्न
  • ताजा अपडेट

    ईपिएस

    दक्षिण कोरियामा कामदारको तलब बढ्यो

    नयाँ बर्ष सुरु भएसँगै दक्षिण कोरियामा कामदारको न्युनतम तलब बृद्धि भएको छ । गत वर्षको तलब भन्दा १.५ प्रतिशत बढि प्रतिघन्टा ८ हजार ७ सय २० वन (८ सय ७० रुपैया) पाउने भएका छन् । यो बर्ष कोरोना महामारिका कारण देशमा आर्थिक मन्दी भएको भन्दै सन् १९८८ देखि कै कम तलब बढेको हो ...

    एमटियुले कोरियाको प्रवासी श्रमिकका अधिकार बारे अनलाईन शैक्षिक कार्यक्रम गर्ने

    दक्षिण कोरियाका प्रवासी श्रमिक युनियन (एमटियु) ले कोरियामा रहेका प्रवासी श्रमिकहरुको हक अधिकार बारे जानकारी गराउने उद्देश्यले आगामी शनिबार कोरियन समय अनुसार बेलुका ८. ३० बजे  जुम मार्फत अनलाईन शैक्षिक कार्यक्रम गर्ने जनाएका छन् । कार्यक्रममा  प्रवासी ...

    सन् २०२१ का लागि दक्षिण कोरियामा बढ्यो मजदुरको ज्याला

    दक्षिण कोरियामा सन् २०२१ को लागि श्रमिकको न्युनतम ज्याला तोकिएको छ l  ज्याला निर्धारण कमिटिको मंगलबार ल बसेको बैठकले प्रतिघन्टा  १ सय ३० वन अर्थात १.५ प्रतिशत ज्याला बृद्वी गर्ने निर्णय गरेको हो । यस अनुसार २०२१ जनवरी बाट श्रमिकको ज्याला प्रतिघन्टा ८ हजार ७ सय २० ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...