नेपाली राजदूतावास कोरियाद्वारा प्रत्येक हप्ता अनलाइन परामर्श गर्ने
सउल । नेपाली राजदूतावास दक्षिण कोरियाद्वारा कोरियामा रहेका प्रवासी मजदुरहरुलाई लक्षित गरेर अनलाइन परामर्श कार्यक्रम संचालन गर्ने भएको छ ।
यहाँ रहेका नेपाली श्रमिकको मानसिक, शारीरिक स्वास्थ्य र सामाजिक तथा आर्थिक समस्या लाई सम्बोधन गर्ने उद्देश्यले डिजिटल माध्यम जूम मार्फत उक्त कार्यक्रम गर्न लागेको जनाएको छ । कार्यक्रममा अनलाइन मार्फ नेपाल तथा विभिन्न ठाउँमा बसोबास गर्दै आएका विज्ञहरुद्वारा अभिमुखीकरण तथा मनोसामाजिक परामर्श दिने दूतावासले जानकारी दिएको हो ।
एनआरएन कोरियाको व्यवस्थापन तथा नेपाल पत्रकार महासंघ दक्षिण कोरिया, नेपाली सम्पर्क समिति, आदिवासी जनजाति महासंघ दक्षिण कोरिया र महिलाको लागि महिला लगायत अन्य सामाजिक संस्थाको सहकार्यमा यो कक्षा सञ्चालन हुन लागेको हो ।
साप्ताहिक रुपमा संचालन हुन लागेको कार्यक्रममा यही आइतबार अक्टोबर ११ देखि सुरु हुनेछ ।
प्रत्येक हप्ता हुने कार्यक्रमको पुर्ण विवरण
पहिलो हप्ता मानव जीवनमा योग र दैनिक प्रयोग विधि बारे परामर्श ।
दोस्रो हप्ता महामारीको बिगबिगी र यसबाट बच्न खानपान र जीवनशैली बारे ।
तेस्रो पूर्वीय दर्शन, आध्यात्मिक आचरण र सफलता बारे ।
चौथो हप्ता मानसिक स्वास्थ्य सम्बन्धी चेतना बारे हुने छ ।
पाँचौ हप्ता तनाव व्यवस्थापन सम्बन्धमा परामर्श
छैटौं हप्ता हासिखुसि, जिउने कला बारे ।
सातौं हप्ता स्वास्थ्य र साधना सम्बन्धि ।
आठौं हप्ता वित्तीय साक्षरता र यसको महत्व बारे ।
नवौं हप्तामा वैदेशिक रोजगारीबाट फर्किएकाहरुलाई लक्षित गरेर उद्यमशिलताका लागि सरकारी नीति बारे परामर्श गरिनेछ ।
दसौं हप्ता वैदेशिक रोजगारीबाट फर्किएर उद्यमी बनेकाहरुको सफलताका कथाहरुको बारेमा जानकारी तथा छलफल ।
एघारौं हप्तामा हुन्डी र यसको नकारात्मक प्रभाव ।
र अन्त्यमा(बाह्रौं हप्ता) घर फिर्ती तयारी बारे परामर्श ।
यसरी डिसेम्बरको २७ तारिक सम्म यो कक्षा सञ्चालन हुने श्रम सहचारी रमा भट्टराईले जानकारी दिएकी हुन ।
यस कार्यक्रमको बारेमा दक्षिण कोरियामा रहेका सम्पूर्ण नेपाली माझ पुर्याउन नेपाली राजदूतावास दक्षिण कोरियाले अनुरोध गरेको छ । साथै सबैलाई कार्यक्रममा सहभागीताकाे लागि अनुरोध समेत गरेको छ ।
प्रत्येक कार्यक्रमका लागि zoom वेभ लिन्क तथा पासवर्ड प्रदान गरि कार्यक्रम मा सहभागीता सुनिश्चित गरिनेछ। जुम मार्फत १०० जना प्रत्यक्ष रुपमा जोडिन सकिन्छ र सो भन्दा बढी अन्य सहभागीका हकमा फेसबुक मार्फत हेर्न र प्रश्न राख्न मिल्ने गरि व्यवस्थापन गरिएको नेपाल पत्रकार महासंघ दक्षिण कोरियाको अध्यक्ष रञ्जन कुँवरले जानकाारी दिएका हुन् ।
