कोरियामा सवारी चालक लाइसेन्स लिन चाहनालेहरुलाई अवसर, जूम मार्फत तयारी कक्षा संचालन हुने
दक्षिण कोरियामा रहेका प्रवासीहरुलाई लक्षित गरि सवारी चालक इजाजतपत्र (लाइसेन्स)को निशुल्क तयारी कक्षा संचालन हुने भएको छ । लिखित परिक्षाको तयारी कक्षा सुस पुलिस स्टेशनले भर्च्युअल माध्यम जूममार्फत आगामी नोभेम्बर १५ र २९ तारिख सञ्चालन गर्ने लागेको हो ।
सडकमा हुने दुर्घटना न्यूनिकरण गर्न र सुरक्षित यात्रालाई मध्यनजर गर्दै सवारी साधन, ट्राफिक सम्बन्धी सम्पुर्ण जानकारीहरू सिकाउने भएकोले यो कक्षा महत्वपूर्ण हुनसक्छ ।
उक्त कक्षामा इच्छुकले यथाशीघ्र फोन सम्पर्क तथा मेसेजमार्फत आफ्नो नाम र सम्पर्क नम्बर सहित आवेदन गरी सहभागिता हुन सकिने सुस पुलिस स्टेशनका इनिस्पेकटर 강혜숙 (घङ ह्ये सुग)ले जानकारी दिएका हुन् ।
कुल ४० जनासम्म सहभागिता हुन सकिने तयारी कक्षामा विश्वव्यापी महामारी कोरोनाको कारणले गर्दा भर्च्युअल माध्यम जूमबाट सञ्चालन हुन लागेको हो ।
