आदिवासी जनजाती महासंघ बुसान शाखाद्वारा सहयोग रकम हस्तान्तरण

आदिवासी जनजाती महासंघ बुसान शाखा दक्षिण कोरियाद्वारा मुटु रोगबाट मृत्यु भएकाको परिवारलाई आर्थिक सहयोग गरेको छ । महासंघले आर्थिक संकलन गर्दैगरेको अबस्थामा रुपन्देहीका पुरन बहादुर गुरङका १ वर्षिय छोरी मरिन गुरुङको उपचारको क्रममा मृत्यु भएको थियो । आर्थिक अवस्था कम्जोर भएकोले संकलन भएको नेपाली १ लाख ५० हजार सहयोग रकम मृतकका बुबालाई हस्तान्तरण गरिएको हो ।

मुटुमा दुई वटा प्वाल देखिए पछि गंगालाल हृदय केन्द्रमा उपचार्थ रहेको छ । डाक्टरको सल्लाह बमोजिम तत्काल उपचार गर्नु पर्ने
तर आर्थिक अवस्था कम्जोर भकोले उपचारमा समस्या परेको थियो ।

“आर्थिक अवस्था दयानिय र नाजुक रहेको हुनाले उपचार गर्न सकिरहेको थिएन त्यही अनुरुप हामीले सहयोग अभियान चलाएको थियो । तर बिरामीको मृत्यु भएपनि आर्थिक अवस्था नाजुक रहेकोले परिवारलाई राहत पुगोस् भनेर संकलित रकम हस्तान्तरण गरेका हौं ।” अभियान संयोजक तथा आदिवासी जनजाती महासंघ बुसान शाखाका वरिष्ठ उपाध्यक्ष परि गुरुङले बताए ।

गुरुङको नेतृत्वमा केही महिना अगाडि सहयोग रकम संकलन गरिएको थियो त्यस मध्ये बाँकी नेपाली ५० हजार संस्थाको कोषमा रहेको र उक्त बाँकी रकम विपन्न वर्ग र औषाधी सेवन गर्न कठिन बिरामीलाई केही समय पछि हस्तान्तरण गरिने जानकारी गराएको छ ।

दुर्भाग्य बस आर्थिक संकलन गर्दै गर्दा उक्त बिरामी नानीको दु:खद निधान भएको कारणले गर्दा संकलित रकमको केही बाकी संस्थाको कोषमा रहेको जानकारी गराएको छ ।

त्पछि विश्व नै आंतकित हुने COVID-19 कोरोनाका कहरले गर्दा उक्त संकलित रकम समयमा नै हस्तान्तरण गर्न नसकेकोमा संघले जनाएको छ । ढिलै भए पनि नेपाल आदिवासी जनजाती महासंघ दक्षिण कोरिया केन्द्र तथा नेपाल आदिवासी जनजाती संघीय परिषद विदेशी विभाग प्रमुख गोविन्द छन्त्यालको समन्वयमा, नेपाल आदिवासी जनजाती महासंघ प्रदेश नं ५ को व्यवस्थापनमा तथा महासचिव मनोज मगरको उपास्थितिमा उक्त सहयोग रकम हस्तान्तरण गरिएको जनाएको छ ।