प्रथम लुम्बिनी पूल टुर्नामेन्ट २०२० को उपाधी शम्भु राईलाई
प्रथम लुम्बिनी पूल टुर्नामेन्ट २०२० को उपाधी शम्भू राईले जितेका छन्। राईले २८ प्रतिस्पर्धीहरुलाई पछि पार्दै फाइनलमा बेस्ट अफ ५ मा ३-१ को नतिजा निकाल्दै उपाधी रक्षा गरेका हुन्। टुर्नामेन्टमा महेश गौतम उपविजेता भएका थिए। विजेताले ३ लाख वन र ट्र्फि, उपविजेताले २ लाख वन र ट्रफी प्राप्त गरेका थिए। निकै रोमाञ्चक टुर्नामेन्टमा बेस्ट प्लेयरको ट्रफी आङ निङ्मा शेर्पाले प्राप्त गरे भने राइजिङ स्टार प्लेयर र प्लेयर अफ द टुर्नामेन्टको ट्रफी क्रमश मन्दिप राई र ओम राईले प्राप्त गरेका थिए। 
लुम्बिनी रेष्टुरेन्ट गजेदो, सुरेश सिंह सम्बाहाङ्फे र राजेन्द्र प्रधानको संयुक्त आयोजनामा नोभेम्बर २१ र २२ तारिख दुई दिने प्रतियोगिता सञ्चालन गरिएको थियो। यस प्रतियोगितालाई डेउ नेपाली एकता समाजका अध्यक्ष उस्मेश आचार्य , किरात राई यायोक्खा गजेदोका अध्यक्ष आशिष चन्द्र राई र डेउ मगर समाजले ३ ओटा टाइटलहरु प्रायोजन गरेका थिए।प्रतियोगिताको एम्पायरमा सुरेश सिंह सम्बाहाङ्फे रहेका थिए।
आपसी सद्भाव भाईचार कायम गर्नको निम्ति प्रतियोगिता आयोजना गरिएको लुम्बिनी रेस्टुरेन्ट गजेदोका सञ्चालक नरेश श्रीष मगरले बताएका छन्। साथै उक्त रेष्टुरेन्टले विभिन्न खेलकुद प्रतियोगिताको आयोजना गर्दै आएको र आगामी दिनहरुमा पनि आयोजना गरिने सञ्चालक श्रीषले जानकारी गराएका छन्।
