रेशम चौधरीको किताब निकाल्न नेफिन कोरियाद्वारा आर्थिक सहयोग
जेल जीवन बिताइरहेका रेशम लाल चौधरीको “परिबन्द” नामक पुस्तक प्रकाशनका लागि नेपाल आदिवासी जनजाति महासंघ दक्षिण कोरियाले संकलन गरेको आर्थिक सहयोग हस्तान्तरण गरेको छ ।
जेलमा नै रहेर करिब १ बर्ष भन्दा लामो समय लगाएर लेखिएको उक्त पुस्तकलाई धेरै भन्दा धेरै सर्वसाधारणलाई नि:शुल्क वितरण गर्ने उद्देश्यले आदिवासी जनजाति अभियान्तहरुले आर्थिक सहयोग अभियान संचालन गरेको हो ।
यसै अभियान अन्तर्गत संकलन भएको एक लाख रुपियाँ गत हप्ता हस्तान्तरण गरेको नेफिन कोरियाले जनाएको छ । “शोषित उत्पीडित आदिवासी जनजातिहरुको मुक्ति र अधिकारका लागि आदिवासी नेता चौधरीको त्याग र बलिदानको कदर स्वरुप यश अभियान संचालन गरेको हो । यसमा जोडिनुभएको सम्पुर्णलाई हार्दिक धन्यवाद ।” नेफिन कोरियाले जारी गरिएको विज्ञप्तिमा जनाएको छ । चौधरीको यस अघि पनि एउटा किताब प्रकाशन भैसकेको छ । जसमा टिकापुर घटनाको बारे बेलिविस्तार लगाएको छ ।
अदालतले टिकापुर घटनामा दोषी ठहर्याए पछि करिब ३ बर्ष देखि चौधरी जेल जीवन बिताइरहेका छन् । विसं २०७२ भदौमा भएको थरूहटको आन्दोलनको क्रममा नेपाल प्रहरीका वरिष्ठ प्रहरी उपरीक्षक लक्ष्मण न्यौपानेसहित आठ सुरक्षाकर्मीको मृत्यु भएको थियो। सो घटनामा एक बालकको पनि ज्यान गएको थियो । यसै घटनामा चौधरीसहित ११ जनालाई दोषी ठहर्याएर जन्मकैदको फैसला भएको हो।
अदालतले दोषी ठहर्याए पनि आदिवासी जनजाति लगायतले यसलाई स्वीकारेको छैन । राजनीतिक पुर्वाग्रहीले गर्दा उनलाई फसाइएको भन्दै उनीहरुले रेशम चौधरीलाई विना सर्त तिहाइको माग अहिले पनि गरिरहेका छन् ।
