मगर संघ कोरियाको दसौं अधिवेशन डिसेम्बर २७ मा हुने
लामो समय देखि सामाजिक कार्य तथा सामुदायिक एकतामा कार्य गर्दै आएका नेपाल मगर संघ दक्षिण कोरियाको केन्द्रिय अधिबेशन यही आउने डिसेम्बर २७ तारिक हुने भएको छ ।
गत बर्ष २०१९ डिसेम्बर अन्तिम हप्तामा चीनको वुहान प्रान्तमा कोरोना भाइरस (कोभिड-१९)देखिए संगै ब्यापारिक र सामाजिक क्षेत्रमा निकै नै नजिक मानिने छिमेकी राष्ट्र दक्षिण कोरियामा त्यसको प्रभाव प्रत्यक्ष पर्न गएको छ । त्यसैले दक्षिण कोरियाको केन्द्रिय तथा स्थानीय प्रशासनले रोग नियन्त्रणको निम्ति सामाजिक दुरी, नियमहरु लागु गरे संगै कोरिया स्थित नेपाली संघ संस्थाका गतिबिधिहरु ठप्प नै छ।
नेपाल मगर संघ केन्द्रिय समिति नेपालको फाल्गुनमा हुन गइरहेको केन्द्रिय महाधिबेशन लाई मध्य नजर गर्दै थप क्रियाशील समिति र कार्यक्रमहरुको निम्ति पनि नवौ कार्य समितिको पुर्ण कार्यकाल अगावै दशौ अधिबेशन आयोजना गर्न लागिएको संघका अध्यक्ष सि.पी.मगरले जानकारी दिएको छ ।
१० जना भन्दा बढी भेला भएर सभा, बैठक, समारोह गर्न नपाइने स्थानीय प्रशासनको नियमलाई आत्म साथ गर्दै पछिल्लो डिजिटल सुचना प्रविधिलाई भरपुर प्रयोग गर्दै भर्चुअल अधिबेशनमा सहभागी भइदिनु हुन कोरियामा बसोबास र कार्यरत सम्पुर्ण मगर समुदायलाई संस्थाको तर्फ सहभागी हुन बरिष्ठ उपाध्यक्ष टेक पुन मगरले अनुरोध गरे ।
