नेपाल तामाङ संघ दक्षिण कोरियाको दशौं अधिवेशन फेब्रुअरी १२ मा हुने
नेपाल तामाङ संघ दक्षिण कोरियाको दशौं अधिवेशन फेब्रुअरी १२ शुक्रबार सलनालको दोस्रो दिन हुने भएको छ । संघको आइतबार बसेको बैठकले सो कुराको निर्णय गरिएको हो ।
विश्वब्यापी कोभिड–१९ को असरले गर्दा गत मे महिनामा गर्नुपर्ने अधिवेशन ढिलै भएपनि निर्धारित मितिमा कोरियामा रहेका बिभिन्न पेशा र क्षेत्रमा आबद्ध सबै तामाङहरुलाई अधिवेशनमा सहभागी हुन नेपाल तामाङ संघ दक्षिण कोरियाका अध्यक्ष मेघप्रसाद वाइबाले आह्वान गरेका छन् ।
संघका अध्यक्ष वाइबाको नेतृत्वमा ५१ सदस्यीय अधिवेशन तयारी समिति र संघको महासचिब गोकुल थोकर, सचिबहरू अमिर योन्जन, दुध बहादुर लामासहितको तीन सदस्यीय अधिवेशन प्रचारप्रसार समिति गठन गरिएको तामाङ संघ दक्षिण कोरियाको महासचिब गोकुल थोकरले जानकारी दिनुभयो । साथै कोरोनाले सहज वातावरण भएमा धेरैजनाको प्रत्यक्ष सहभागितामा गरिने अन्याथा भर्च्यूल माध्यममार्फत अधिवेशन गर्ने तयारी रहेको समेत बताएको छ ।
उक्त अधिवेशनले दक्षिण कोरियामा रहेका तामाङहरुलाई भावानात्मक रुपमा एकजुट हुने अवसर प्रदान गर्ने विस्वास लिएका छौ ।
नयाँ नेतृत्व र आगामी दिनमा हुने तामाङ संघ दक्षिण कोरियाको कार्य नीति पनि बन्ने भएकोले सबैलाई सहभागिताको लागि अनुरोध गरिएको छ ।
तामाङ संघ दक्षिण कोरियाको स्थापना सन् २००३ मा भएको थियो । संघले आफ्नो स्थापना समय देखि नै दक्षिण कोरियामा रहेका विभिन्न संघ–संस्थाहरुसंग हातेमालो र सहकार्य गरी सामाजिक कार्य गर्दै आएको छ ।
