कृष्ण गण्डकी समाज दक्षिण कोरियाद्वारा मृगौला पिडित प्रेम बहादुर थापालाई सहयोग
२४ जनवरी २०२१
सउल, दक्षिण कोरिया
साविकको कृष्ण गण्डकी गाविस स्याङ्जाबाट दक्षिण कोरियामा कार्यरत यूवाहरुको संगठन कृष्ण गण्डकी समाज दक्षिण कोरियाले स्याड्जा जिल्ला कालीगण्डकी गाउँपालिका वडा नं.५ बलाम नयाँमिल निवासी मृगौला पिडीत प्रेम बहादुर थापालाई शीघ्र स्वास्थ्य लाभको कामना सहित दुई लाख पैसठ्ठी हजार सात सय तीस रुपैंया हस्तान्तरण गरेको छ ।
संस्थाका सदस्य कृष्ण प्रसाद न्यौपानेको संयोजकत्वमा दक्षिण कोरियामा रहनुभएका नेपालीहरुबाट स्वेच्छिक रुपमा गरिएको उक्त सहयोग संस्थाका सल्लाहकार श्री हरि प्रसाद न्यौपाने, सदस्यहरु बिपिन श्रेष्ठ, शिव न्यौपाने साथै समता मञ्च नेपालका अध्यक्ष ईन्जिनियर राम प्रसाद न्यौपानेको उपस्थितिमा स्वयं बिरामीको हातमा सहयोग हस्तान्तरण गरिएको संस्थाका अध्यक्ष ह्यारी बोण्डले जानकारी दिएका छन् ।
कृष्णगण्डकी समाज दक्षिण कोरियामा आफ्नो गाउँठाउँमा विविध सहयोग कार्यक्रम गर्दै आइरहेको सन्दर्भमा कृष्णगण्डकीका पक्की सडकका अप्ठ्यारो घुम्तीहरुमा कन्केभ मिरर (घुम्ती ऐना) लगायत अग्निपिडित, बाढी पिडित तथा थुप्रै बिरामीहरुलाई सहयोग गर्दै आईरहेको संस्थाका पूर्वाध्यक्ष तथा वर्तमान सल्लाहकार विजय थापाले प्रष्ट पारे । मृगौला पिडित प्रेम बहादुर थापालाई सहयोगको रुपमा आर्थिक रकम जुटाउन सहयोग गर्नुहुने तमाम मनकारी व्यक्तित्वहरुलाई संस्थाले हार्दिक धन्यवाद व्यक्त गरेको छ साथै सहयोगीहरुको नामावली कृष्ण गण्डकी समाज दक्षिण कोरियाको पेजमा अपडेट गरिएको छ ।
