कोरियामा आत्महत्या गरेका संखुवासभाका युवाको परिवारद्वारा अन्त्येष्ठी
रोजगारीको सिलसिलामा ईपीएस मार्फत कोरियाआएका संखुवासभा जिल्लाको सभापोखरी गाउपालिका पुर्णहाङ लिम्बूको गत आइतबार परिवार द्वारा अन्त्येष्ठी गरिएको छ। लगभग डेढ बर्ष अघि कोरिया आएका उनले जनवरी २५ तारिखमा आत्महत्या गरेका थिए ।
कोरियाको योङ्गिन स्थित एक कम्पनीमा कार्यरत लिम्बू आत्महत्या गर्नुअघिका दिनहरुमा पनि सामान्य अवस्थामा रहेको र कुनै पनि असामान्य ब्यबहार नदेखिएकोले किन आत्महत्या गरे भन्ने नखुलेको सँगै काम गर्ने संखुवासभा सम्पर्क परिवार दक्षिण कोरियाका अध्यक्ष श्याम कुमार श्रेष्ठले बताए । कोरियन प्रहरीको अनुसन्धान र सिसिटिभी फुटेजको आधारमा आत्महत्या पुष्टि भएपछि परिवारको ईच्छा अनुसार शवलाई नेपाली दुतावास र समाजसेवीहरुको पहलमा जनवरी २९ मा कोरियन एयरको विमान मार्फत नेपाल पठाईएको थियो । शव पठाउन आर्थिक समस्या भएपछि मृतकको दाजु डि बि सुब्बाले बिभिन्न संघ संस्थासँग सहयोगको लागी अपिल गरेका थिए । लगभग सवा करोड वन खर्च जुटाउन समस्या भएपछि केही रकम आगामी फेब्रुअरी ८ तारिक सम्म भुक्तानी गर्ने सर्त रहेकोले सबैलाई यथासक्य सहयोग गरिदिनु हुन उनले अनुरोध गरेका छन् ।
- कोरिया रोजगारीको आकर्षक गन्तव्य बनेपनि बिभिन्न समयमा आत्महत्या र औधोगिक दुर्घटनामा नेपाली युवाहरुले ज्यान गुमाउने क्रम रोकिएको छैन ।
