सालनालको दोस्रो दिन तामाङ संघले साहित्यकारहरुसँग अन्तरक्रिया गर्ने

नेपाल तामाङ संघ दक्षिण कोरियाले सोनाम ल्होछार तामाङ साहित्यकारहरुसँग अन्तक्रिया गरेर मनाउने भएको छ । आउँदो शुक्रबार अर्थात सलनालाको दोस्रो दिन यो कार्यक्रम हुनेछ ।
यस अघि सोही दिन संघको अधिबेशन गर्ने भनेको भए पनि विविध कारणले अधिवेशन दुई हप्ता पछि फेबु्रअरी २८ आइतबार हुने भएको छ । ‘हामीले यस पटकको नयाँ तरिकाले सोनाम ल्होछार मनाउने भएका छौं । हाम्रो कार्यक्रम तामाङ जनजीवन लेखनमा कस्तो छ भन्ने कुरा खोतल्ने प्रयास गर्ने छौं । यो ल्होछार भनेको रमाइलो गर्ने त हुँदै हो हाम्रो आफ्नो जीवन शैलीका बारेमा पनि कुरा गर्नु पर्यो ।’ संघको अध्यक्ष मेघप्रसाद वाईवाले भने ।
कार्यक्रममा लामो समयदेखि कलम चलाउँदै आएका तामाङ साहित्यकारहरुसँग छलफल हुनेछ । शुक्रबार दिउँसो दुई बजे सुरु हुने कार्यक्रममा विना थिङ, मणिकलाल घिसिंङ, सजना गोले, रचना मोक्तान, बाबु साईला लगाएतका साहित्यकारहरुसँग अन्तरक्रिया हुनेछ । त्यस्तै कोरियामा रहेका कबि समिर बोम्बजन, गोकुल थोकर, अमिर योञ्जन लगाएतका तामाङ साहित्यकारहरुले आफ्नो रचना सुनाउने कार्यक्रम रहेको छ ।
कोरियामा हरेका सबै साहित्यप्रमीलाई जुम मार्फत हुने कार्यक्रममा सहभागिता जनाई दिन नेपाल तामाङ संघ दक्षिण कोरियाका सचिव दुध लामाले आग्रह गरेका छन् । ‘यो कार्यक्रममा कोरियामा रहनु भएका सबै साथीभाइलाई नयाँ हुनुको साथै रमाइलो लाग्ने खालको हुनेछ । त्यसैले सबैलाई सहभागिताको लागि आग्रह गर्छु ।’ उनले भने ।

सहभागिताकाे लागि जुम ठेगना

https://us02web.zoom.us/j/2559644396?pwd=YmN2anROVkhhTFRVTFJ4bmkwVEgwdz09

Meeting ID: 255 964 4396

Passcode: Tmg123