तामाङ भाषाको क्षेत्रीय भेदहरूको भाषावैज्ञानिक सर्वेक्षण २०२१ प्रारम्भ


तामाङ भाषा नेपाल र नेपालबाहिर भारतको उत्तर-पूर्वी राज्यहरू (पश्चिम वंगाल, सिक्किम, आसाम, नागालैंड), भूटान र म्यानमार आदि देशमा पनि फैलिएको छ। तामाङ भाषीहरू नेपालमा विशेष गरी बागमती प्रदेशमा केन्द्रित छन् र गण्डकी प्रदेश, प्रदेस नं. २ र प्रदेस नं. १ मा पनि बाक्लो बसोबास पाइन्छ। यस भाषाको के कति क्षेत्रीय भेद र उपभेदहरू छन् (यसलाई ‘भौगोलिक भेद’ पनि भन्न सकिन्छ र परम्परागत रूपमा ‘भाषिका’ भनिन्थ्यो), यसबारे हालसम्म भाषावैज्ञानिक अध्ययन अनुसन्धान खासै हुनसकेको छैन। आजको सन्दर्भमा कुनै पनि भाषाको क्षेत्रीय भेदहरूको भाषावैज्ञानिक अध्ययन हुन आवश्वक छ।

यस प्रकारको भाषिक सर्वेक्षण‍बाट भाषाको स्थानीय भेदहरूको जानकारी हुनका साथै शिक्षामा यसको प्रयोग विस्तार गर्न हुन्छ र सञ्चार (रेडियो, टेलिभजन, छापा आदि)मा पनि। साहित्य सिर्जना र सरकारी कामकाजको भाषाको लागि मानक भेदको विकासमा पनि सर्वेक्षणले टेवा पुग्दछ।

तामाङ भाषिकाको १) वर्णको तहमा २) शब्दको तहमा ३) व्याकरणको तहमा र ४) वाक्यको तहमा सर्वेक्षण गरिने छ। यस सर्वेक्षणमा तामाङ भाषाको हरेक पक्ष र तहको सर्वेक्षण गरिने प्रयास गरिने छ। यस प्रकारको सर्वेक्षणबाट तामाङ भाषाको क्षेत्रीय भेद तथा उपभेदहरूको सङ्‌ख्या थाहा हुनका साथै भाषिकाको भौगोलिक दूरी र क्षेत्र पनि थाहा हुनेछ, स्थानीय तहका विद्यालयहरूमा स्थानीय मातृभाषा पठन-पाठनमा सहयोग पुग्नेछ, स्थानीय भेदमा पाठ्य पुस्तक र पाठ्यसामग्री तयार गर्न सहयोगी हुनेछ र बोधगम्यताको जानकारी हुनेछ र मानक भाषाको विकासमा समेत टेवा पुग्ने छ। तामाङ भाषीहरूको मूल थलो, यसको वितरण र माइग्रेसन पनि थाहा हुनेछ। तामाङ भाषाको प्राचीनतम् रूपको पनि सर्वेक्षणबाट जानकारी हुनेछ।

नेपाल प्रज्ञा-प्रतिष्ठानको सहयोगमा तामाङ भाषाको भाषावैज्ञानिक सर्वेक्षण प्रारम्भ भइसकेको छ। यसको लागि तामाङ भाषा सर्वेक्षण प्रश्नावली फेसबुक समुहमा राखिएको छ। कतिपय उत्साही तामाङ मातृभाषीहरू समुहमा सहभागी भइ प्रश्नावली डाउनलोड गरेर, आफ्ना क्षेत्रको स्थानीय भाषा भरेर पठाइसकेका पनि छन्। तपाई पनि आफ्ना क्षेत्रका तामाङ भाषाको भाषावैज्ञानिक जानकारी राख्न चाहनु हुन्छ भने समुहमा संलग्न भएर सर्वेक्षणका लागि सहयोगी बन्नु होस् र प्रश्नावली डाउनलोड गरेर भरेर पठाउनुहोस्। यो सर्वेक्षण एक प्रकारको जनस्तरबाट तयार गरिएको पब्लिक सर्वेक्षण हुनेछ। प्रत्येक क्षेत्रीय भेदको विस्तारका साथ अध्ययन गरिनेछ। थप कुराको जानकारी समुहमा गराएको छ।

तामाङ भाषा सर्वेक्षणमा सहयोगी हुन तयार होऔं, आ-आफ्ना भाषाको भाषावैज्ञानिक जानकारी राखौं र प्रयोग विस्तार पनि गरौं।
०००

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • तमू धीं दक्षिण कोरिया जेजुदो शाखाको प्रथम अधिवेशनबाट निरु गुरुङ नेतृत्वको कार्यसमिति चयन
  • तमू धीं कोरियाले विश्वव्यापी अनलाइन तमू साँस्कृतिक (नृत्य) प्रतियोगिता गर्ने
  • आदिवासी साहित्यकार/ लेखक महासंघ दक्षिण कोरियाले ‘मातृभाषा काव्य यात्रा’ गर्ने
  • तामाङ पत्रकार संघ दक्षिण कोरियाको दोस्रो अधिवेशन नोभेम्बर १४ मा हुने
  • ताजा अपडेट

    ईपिएस

    इपिएस परीक्षा उत्तीर्ण गरेका कामदारलाई चाँडो लान कोरियासँग नेपालको आग्रह

    सरकारले रोजगार अनुमति प्रणाली (इपिएस) परीक्षा उत्तीर्ण गरेका नेपाली कामदारलाई जतिसक्दो चाँडो लैजाने व्यवस्था गर्न दक्षिण कोरिया सरकारसँग अनुरोध गरेको छ। नेपाल र गणतन्त्र कोरियाबिच बुधबार सम्पन्न द्विपक्षीय परामर्श संयन्त्रको पाँचौँ बैठकमा सरकारले परीक्षा ...

    दक्षिण कोरियाले प्रवासी श्रमिक पुनः प्रवेशमा गर्यो खुकुलो

    दक्षिण कोरियाको श्रम तथा कानुन मन्त्रालयले विदेशी श्रमिकले सूरूको कम्पनी परिवर्तन गरेता पनि आफ्नो साहुले चाहेमा प्रतिबद्ध कामदार (कमिटेड वर्कर)को रूपमा कोरियामा पुनः प्रवेश गर्न सकिने नयाँ नियम पारित गरेको छ । यसबाट कोरियामा कार्यरत लाखौ इपिएस श्रमिक लावन्भित ...

    कोरिया आउन नपाएका इपिएस पीडितहरुलाई खुशीको खबर

    इपिएस मार्फत रोजगारीको लागि दक्षिण कोरिया आउन लागेको नेपालीहरुमा खुशीको खबर छाएको छ । कोरियन भाषा पास गरी इपिएस प्रणालीको प्रकृयामा रहदै गर्दा गत वर्षदेखि कोरोनाका कारण कोरिया प्रवेश गर्न नसकेपछि निकै मानसिक तनाब झेल्दै आएका थिए । त्यसैले इपिएस संघर्ष समिती गठन ...

    महिला / बालबालिका

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...

    कोरियमा तिजको सान्दर्भिकता

    मञ्जु गुरुइ० नेपाली महिलाहरुको एक मुख्य धार्मिक तथा सांस्कृतीक पर्व तीजको आज दरखाने दिन । स्वादेशमा हुने महिलाहरु धेरै जना प्रत्यक्ष मनाइ ...

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...