प्रदेश तिन एकता समाज दक्षिण कोरियाको अधिवेशनको तयारी पुरा, प्रमुख अतिथिमा मुख्य मन्त्री
प्रदेश नम्बर तिन (बागमती) एकता समाज दक्षिण कोरियाको दोस्रो अधिवेशनको सम्पुर्ण तयारी पूरा भएको छ । साथै आगामी मार्च ७ मा हुन लागेको उक्त अधिवेशनमा बागमती प्रदेशका मुख्य मन्त्री डोरमनी पौडेल प्रमुख अतिथिको रुपमा सहभागी हुने जानकारी समाजका अध्यक्ष किशोर ब्लोन नियोगले दिएको छ ।
एकता समाज दक्षिण कोरियामा रहेका बाग्मती प्रदेश अन्तर्गतका संस्थाहरूको छाता संस्था हो । समाजले स्थापना काल देखि नै प्रदेश अन्तर्गतका क्षेत्रीय संगठनहरुको सहकार्यमा विभिन्न सामाजिक कार्यहरू गर्दै आइरहेको छ ।
कार्यक्रम जुम भर्चुअल माध्यम मार्फत हुनेछ । अधिवेशनमा कोरियामा रहेका दशवटा जिल्ला संस्थाहरूबाट प्रतिनिधिहरु पठाउने जनाएको छ । यसै दोस्रो अधिवेशनबाट नयाँ कार्यसमिति पाउनेछ ।
समाज “देश विकासमा हाम्रो योगदान, एकताको सुत्रमा समृद्धिको उठान” भन्ने मुल नाराका साथ स्थापना भएको हो । “संस्थाले अधिबेशन समारोहमा संस्थाको आफ्नै वेबसाइटको समुद्घाटन गर्ने र लगानीको वातावरण बारे पनि बृहत छलफल गर्ने छ ।” अध्यक्ष ब्लोनले बताए ।
आयोजक कमिटीले सम्पुर्ण सदस्यहरुलाई कार्य विभाजन गरि अधिवेशनको तयारी पूरा गरेको छ । प्रतिनिधि व्यवस्थापन, पत्राचार, प्रचार प्रसार, अतिथि व्यवस्थापन, निर्वाचन मण्डल, प्राविधिक व्यवस्थापन लगायतका कार्यहरु विभागीय टोली गठन गरिएको जनाएको छ ।
