ताप्लेजुङ सम्पर्क समिति दक्षिण कोरियाद्वारा आगलागी पीडित परिवारलाई आर्थिक सहयोग
ताप्लेजुङ ताप्लेजुङ सम्पर्क समिति दक्षिण कोरियाले मिरिङ्देन गाउँपालिका दोभान बजारका अग्नि पीडितलाई ७ लाख ६५ हजार ५ सय २५ रुपैयाँ सहयोग रकम वितरण गरेको छ । आगलागीबाट ४८ घरघुरी र डेरा गरी बस्ने १० घर परिवार गरी जम्मा ५८ विस्थपित परिवारलाई १३ हजार २ सय रुपैयाँका दरले राहत वितरण गरिएको थियो। 
मिरिङ्देन गाउपालिका अध्यक्ष गणेश चोङबाङ लिम्बुकाे रोहवरमा ताप्लेजुङ सम्पर्क समिति कोरियाका उपाध्यक्ष बिजु माबो र एनआरएन दक्षिण कोरिया ख्यङसानबोक्दो शाखाका अध्यक्ष भेषराज दाहालले सहयोग रकम हस्तान्तरण गरेका थिए। राहत वितरण कार्यक्रममा स्थानीय स्तरका सरोकार निकायहरू, प्रहरी प्रशासन, रेडक्रस शाखा प्रमुख र स्थानीय पत्रकारहरूको उपस्थिति रहेको थियो । 
समितीले तत्काल राहत संकलन कार्यदल गठन गरि दीर्ज काङ्भा, शंकर राई, मनिता तामाङ, जय खड्का, सृजु इदिङ्गो, रामकुमार राई, विनोद साैदेनको संयोजकत्वमा आर्थिक रकम संकलन गरेको थियो। उक्त अभियानमा विशेष सहयोग गर्नुहुने किरात याँक्थुङ चुम्लुङ बुसान शाखाका अध्यक्ष दीवा वरूम्हाङ लिम्बु लगायत सम्पूर्ण
सहयोगी महानुभावहरुलाई अध्यक्ष सागर माङ्मूले धन्यवाद ज्ञापन गरेका छन्।
गत फाल्गुन १८ गते मेरिङ्देन गाउँ पालिकामा अवस्थित जिल्लाको दोस्रो ठुलो दोभान बजारमा अचानक बिजुली सट भइ आगलागी भएको थियो ।
