कोरियामा नेपाली भाषा र कलासम्बन्धी कक्षा शुरु
दक्षिण कोरियामा नेपाली भाषा र कला सिकाउने उद्येश्यले एनआरएनए कोरियाले साप्ताहिक कक्षा संचालन गरेको छ । आइतबार एक कार्यक्रम गरी कक्षा शुरुवात गरिएको हो । मदर टइ० स्याटरडे स्कुल नामक सो कक्षामा नेपाली सिक्न चाहने कोरियन बालबलिकाहरु पनि सहभागी हुन सक्ने छन् ।
सउलमा संचालित सो कक्षा निशुल्क रहने छ । कोरियन स्वायमसेवीहरुको साथमा नेपाली प्रशिक्षकद्धारा नेपाली भाषा सिकाइने छ । साथै नेपाली कला र संस्कृती बारे नेपालको सांस्कृतीक संस्थानबाट अडियो र भिडियो मार्फत अध्ययन गराइने एनआरएनए अध्यक्ष यज्ञराज सुवेदीले जानकारी गराए ।
कोरियामा पहिलो पटक संचालनमा आएको यस्ता कक्षा संचालनले कोरियनसंग विवाहगरी बासोबास गरेको नेपालीहरुको बालबालिका र कोरियामा लामो समयदेखि अध्ययन तथा व्यवसाय जस्ता विभिन्न सिलसिलामा रहेका नेपालीहरुको बालबालिकालाई नेपाल कला र संस्कृती सिक्न उपयोगी हुने एनआरएन कोरियाका पूर्व अध्यक्ष लक्ष्मी गुरुइ०ले बताइन । कोरियामा दोस्रो पुस्ताको बृद्धी संगै यस्ता कक्षाको आवश्यक्तालाई मध्य नजर गरी अध्यन अनुसन्धान गर्दै आएपनि बल्ल कक्षा संचालनमा आएको छ ।
कोरिया स्थीत नेपाली राजदूताबासका कार्यबाहक राजदूत राम सिंह थापाको प्रमुख आतिथ्यमा सम्पन्न कक्षा उद्घाटन कार्यक्रममा जुम मार्फत नेपालबाट सांस्कृतीक संस्थानका महाप्रबन्धक अशोक राई, एनआरएनए केन्द्रका अध्यक्ष कुमारपन्त, एनआरएनए आइसीसी सदस्य डा.देवि बहादुर बस्नेत लगायतको उपस्थिती रहेको थियो ।
