कोरीयामा नेकपा एमाले माधव पक्षका संगठन पनि विस्तार
सत्ताधारी दल नेकपा एमालेका नेतृत्वमा देखिएको विवादको टक्कर अन्तराष्र्टीय क्षेत्रमा पनि पर्न थालेको छ । नेकपा एमाले अध्यक्ष केपी ओली र बरिष्ठ नेता माधव कुमार नेपालले आ आफनो पक्षलाई संगठित गर्नेक्रममा दक्षिण कोरियामा पनि दुवै पक्षबाट नेतृत्व चयन गर्दै संगठन विस्तार गरेको छ । यसैक्रममा गत शनिबार भर्चुअल जुम मार्फत कोरियामा माधव कुमार पक्षकाहरुको पनि कार्यसमिति गठन भएको घोषणा गरीएको छ ।
नेकपा एमालेका बरिष्ठ नेता माधव कुमार नेपाल पक्षका अन्तराष्ट्रिय संजाल कोरियामा पनि गठन भएको छ । शुभराज भोम्जनको नेतृत्वमा प्रवासी नेपाली मञ्च, दक्षिण कोरियाको केन्द्रिय कार्यसमिति गठन भएको छ। अप्रिल १७ मा सप्पन्न उक्त घोषणा सभाले भोम्जनको नेतृत्वमा १७ सदस्यीय केन्द्रिय कार्यसमिति चयन गरेको थियो।
नव गठित समितिको प्रमुख सल्लाहकारमा सन्तोष बराल चयन गरिएको छ भने उपाध्यक्षमा अर्जुन बा.जागरी र रमेश थापा मगरलाई चयन गरिएको छ। यसैगरी महासचिवमा राज कुमार राई (राजु ), सचीवमा अनिता रुम्बा, कोषाध्यक्षमा जगत बा. वाईबा चनयन भएका छन्। सूचना तथा संञ्चार विभागमा अमीर योन्जन,अनुसाशन विभाग प्रमुख जगदिश घराडि , युवा विभाग प्रमुखमा दशरथ कुवरलाई चयन गरिएको छ। केन्द्रिय सदस्यहरुमा झलक क्षेत्री, उमेश कुवर ,युवराज राई (जेम्स ) ,धन कुमार राई (डि आर राई ),टिकाराम भट्टराई ,उदिप थुलुङ, मदन कुमार गौतम र कृष्ण देउजा रहेका छन्।
नेकपा एमाले केन्द्रीय सदस्य एवम प्रवास समन्वयकर्ता श्रीप्रसाद साहको प्रमुख आतिथ्य र पुर्वी एसीया इन्चार्ज पार्टी के. स. राजन राईको विषेश आतिथ्य रहेको थियो भने सभालाई सन्तोष बरालले अध्यक्षता गरेका थिए। घोषणा सभालाई zoom भर्चुअल मीटिङबाट सप्पन्न गरिएको थियो।
कार्यसमितिलाई परिस्थिति अनुसार थप घट गर्दै लैजाने र कोरियामा रहेका नेकपा एमाले बिचार धार र अग्रगामी बिचार धारका कम्युनिस्ट एकता पक्षधरहरूसंग समन्वय गर्दै जाने नवनिर्वाचित अध्यक्ष भोम्जन्ले बताएका छन ।
