एनआरएनले कोरोना प्रभावित विश्वभरका १लाख ७० हजार नेपालीहरुलाई सहयोग गर्न करिब रु. २३ करोड खर्च गरे
गैरआवासीय नेपाली संघ ९एनआरएनए० ले सन् २०१९ को डिसेम्बरबाट विश्वभर फैलिरहेको कोभिड–१९को महामारीपछि भएका उद्धार र राहतको विवरण सार्वजनिक गर्दै करिब २३ करोड खर्च भएको जानकारी गराएको छ ।
संघले शनिवार साँझ भर्चुअल पत्रकार सम्मेलनको आयोजना गर्दै ५० देशका कम्तीमा पनि ३ सय भन्दा बढी शहरहरु र राज्यहरुमा रहेका करिब १ लाख ७० हजार भन्दा बढी नेपालीहरुलाई राहत दिएको जनाएको छ ।
यी सबै कार्यक्रमका लागि अन्तर्राष्ट्रिय र राष्ट्रिय समन्वय परिषद्हरुबाट रु १३ करोड र यूएनअन्तर्गतका निकायबाट प्राप्त रु १० करोड गरी रु २३ करोड बराबरको रकम परिचालन गरिएको जनाएको छ । अन्तर्राष्ट्रिय निकायबाट प्राप्त सहयोग धेरै श्रमिक नेपालीहरु भएको देश मलेसिया, कतार, यूएई र साउदी अरबबाट सुरु भएको यो कार्यक्रम पछिल्लो समय बहराईन, कुवेत तथा ओमानमा समेत लागू गरिएको जनाएको छ ।
संघले सरकारसँग मिलेर महामारीको बेला खाना र बासको व्यवस्था, घर फिर्ती कार्यका लागि आंशिक हवाई टिकट , पीसीआर सेवा, मानसिक स्वास्थ्य परामर्श सेवा तथा स्वास्थ्य समस्यामा परेका नेपालीहरुलाई सहयोग गरेको संघका अध्यक्ष कुमार पन्तले बताए ।
साथै अन्तर्राष्ट्रिय निकायबाट प्राप्त सहयोगबाट रोजगारी गुमाएका, समान्य गल्तीका कारणले स्वदेश फर्कन बाध्य बनाइएका, महिला, अपाङ्गता भएका व्यक्ति, बिरामी जस्ता विशेष आवश्यकता भएका व्यक्तिका लागि खर्चिएको संघका उपाध्यक्ष डा। बद्री केसीले जानकारी दिए । संघले अन्तर्राष्ट्रिय निकायबाट प्राप्त सहयोग धेरै श्रमिक नेपालीहरु भएको देश मलेसिया, कतार, यूएई र साउदी अरब , बहराईन, कुवेत तथा ओमान लगायतका मुलुकमा राहत र उद्धारको विशेष अभियान चलाएको जनाए ।
नेपालीहरुको मानसिक स्वास्थ्यलाई विशेष ध्यानमा राखेर अमेरिका, बेलायत, यूरोपियन क्षेत्र, मध्यपूर्वी क्षेत्र, अफ्रिकन क्षेत्र र एसियाप्रशान्त क्षेत्रहरुमा दुई सय भन्दा बढी अनुभवी स्वास्थ्यकर्मी र डाक्टरहरुलाई परिचालनगरिएको संघका महासचिव डा हेम राजशर्माले जनाए ।
