कोरियामा सउल नेपाल गुम्बा र नेपाल बौद्ध परिवारले २५६५ औं बुद्ध जयन्ती मनाए
दक्षिण कोरिया । नेपाली बौद्धधार्मिक दुइ संस्था सउल नेपाल गुम्बा र नेपाल बौद्ध परिवार दक्षिण कोरियाले २५६५ औं बुद्ध जयन्ती मे २३ तारिखका दिन छुट्टाछुटै बिशेष पूजापाठ तथा शुभकामना आदानप्रदान कार्यक्रम गरि मनाएको छ ।
नेपालको लुम्बिनीमा बैशाख शुल्कपक्ष सप्तमीमा जन्मनुभएका महामानव गौतम बुद्ध वैशाख पूर्णिमाका दिन अमृतमय बोधीज्ञान प्राप्त गरी बुद्ध भएको तिथिलाइ बौद्धधर्मलाम्बीहरूले बुद्ध जन्म जयन्ती विशेष विविध कार्यक्रमहरू मनाउने गरिन्छ ।
आज २५६५ औं बुद्ध जयन्ती बिशेष पूजापाठ र शुभकामना आदानप्रदान कार्यक्रम सउल नेपाल गुम्बाले गाङ्नाम् स्थित गुम्बामा सम्पन्न भएको सउल नेपाल गुम्बाका लामा प्रमुख कुन्साङ दोर्जे लामाले जानकारी दिनुभयो ।
त्यसैगरि नेपाल बौद्ध परिवार दक्षिण कोरियाले सउलमा कार्यक्रम गरि मनाएको नेपाल बौद्ध परिवारको अध्यक्ष पेमा कुन्साङले जानकारी दिनुभयो ।
गौतम बुद्ध ८० वर्षको उमेरमा वैशाख पूर्णिमा कै दिन महांपरी निर्वाण हुनुभएको पावन तिथिलाई भोटको भाषामा (साघा दावा) भनिन्छ । त्यसरी नै हामी बौद्ध मार्गीहरूले मान्दै आएका यस्तो महत्वपूर्ण बौद्ध महान चाडपर्व मध्येको यो पहिलो बृहत चाड बुद्धजयन्ती हो ।
कोभिड १९ सम्बन्धी दक्षिण कोरियाको प्रोटोकल अपनाउदैं कार्यक्रममा कोरियाली र नेपाली समुदायका बौद्धधर्मलम्बीहरूको सहभागितामा सम्पन्न भएको हो ।
त्यसैगरी नेपाली बौद्ध धार्मिक संस्था नागार्जुन गुम्बा दक्षिण कोरियाले आउँदो मे ३० तारिखका दिन जिहेङमा २५६५ औं बुद्धजयन्ती बिशेष पूजापाठ तथा शुभकामना आदानप्रदान कार्यक्रम गरि मनाउने नागार्जुन गुम्बा ब्यवस्थापन समितिका सचिब अमिर योन्जनले जानकारी दिनुभयो ।