एनआरएन कोरियाको सदस्यता आवेदन समय सकियो, ड्राफ्ट सदस्यताहरुको लागि पाँच दिन थप

एनआरएन कोरियाले स्मार्ट एपबाट अनलाईन मार्फत पञ्चिकृत सदस्यता आवहान गरेको एक महिने आवधि समाप्त भएको घोषणा गरेको छ । साथै फर्म भरदा भरदै प्रविधिक समस्याका कारण विचैमा छोडी ड्राफ्ट  बसेकाहरुलाई आफ्नो फर्म पुरा गर्नको लागि मे २७ तारिख रातको १२ बजेसम्मको लागि समय थप गरिएको छ । एनआरएन कोरियाको आइतबार बसेको केन्द्रिय बैठकले सो निर्णय गरेको जनाएको छ ।

यसरी पाँच दिन थप उपलब्ध गराएको समय अवधिमा आवेदक स्वयमले सदस्यता शुल्क तिर्नु पर्ने छ । सदस्यता आवेदनको लागि तोकिएको एक महिने अवधिमा शुल्कको लागि मोवाइन कम्पनीलाई आप्mनो सूचना दिन राजी भए निशुल्क आवेदन गर्न सकिने प्रावधान राखिएको थियो । मोवाइन कम्पनीसंगको सम्झौता म्याद सकिएकाले निशुल्क गर्न नसकिएको स्पष्ट पारेको छ ।

गत अप्रिल २३ तारिखदेखि मे २२ तारिखको स्थानिय समय अनुसार रातको १२ बजेसम्म आवेदन दिने अन्तिम समय तोकिएको थियो । सो समय अवधिभित्र प्रमाणित भएका र हुन बाँकी सदस्य संख्या २ हजार ४ सय ८४ रहेको र फर्म भरदा भरदै प्राविधिक समयस्या आइ विचैमा छोडेको २ हजार ८७ जना रहेको सूचना सार्वजनिक गरिएको छ । फर्म भर्न तोकिएको अवधिको अन्तिम समयमा आवेदकको संख्या धेरै भएकाले प्रविधीमा समस्या आएको एनआरएन कोरियाका केन्द्रिय सदस्य तथा आइटी डिपार्टका अनिल थपलियाले जानकारी गराए ।

फर्म भर्ने अन्तिम समयमा प्राविधिक समस्या देखा परेकोले एनआरएनको सदस्यता बन्नबाट बञ्चित भएकोहरुलाई समेट्न एनआरएनका आइसीसी प्रतिनिधी र वर्तमान तथा पूर्व पदाधिकारीहरुले कार्यसमितीको बैठकमा फर्म भर्ने म्याद थप्न आग्रह गरेपनि समय अभावका कारण थप्न नसकिएको अध्यक्ष सुवेदीले जानकारी दिए ।