विश्वका ओखलढुंगेलीहरुको सहयोगमा ओखलढुंगामा पहिलो पटक चार आइसियु बेड सहयोग
विश्वभरी छरिएर रहेका ओखलढुंगेलीहरुको सहयोगमा ओखलढुंगा जिल्लामा पहिलो पटक आइसियु बेड (सघन शैया) उपलब्ध भएको छ । “कोभिड १९ बिरुद्ध ओखलढुंगेली विश्वब्यापी संजाल”द्धारा संचालित अभियानबाट सो सामग्री प्रदान गरिएको हो । सामुदायिक अस्पताल, सोब्रुमा २ वटा र जिल्ला अस्पताल रुम्जाटारमा २ वटा आइसियु बेड हस्तान्तरण गरिएको संजालका सदस्य सचिव श्रीराम गुरुङले जानकारी गराए ।
सिद्धिचरण नगरपालिका प्रमुख मोहन श्रेष्ठ तथा उपप्रमुख इच्छा कुमारी गुरुङ र उद्योग वाणिाज्य संघ ओखलढुंगाका अध्यक्ष ज्ञानेन्द्र मास्के लगायतको सहयोगमा स्वास्थ्य सामग्री छनौट, खरीद र व्यवस्थापन गरी हस्तान्तरण गरिएको थियो ।
ओखलढुंगा जिल्लामा बढ्दो कोरोना महामारीलाई रोकथाम गर्न विश्वभरी छरिएर रहेको ओखलढुगेलिहरुलाई गोलबद्ध गरी विश्वव्यापी संजाल गठन गरीएको हो । युकेका शिबजी श्रेष्ठको संयोजकत्वमा कोरियाबाट श्रीराम गुरुङ सदस्य सचिव र अमेरिकाबाट दिनबन्धु प्रमी कोषाध्यक्ष सहित १५ देशका संयोजक सदस्य रहने गरी संजाल गठन गरिएको छ ।
विश्वव्यापी संजालको संयोजक सदस्यहरुमा ओखलढुंगा जिल्ला समाज युकेका बरिष्ठ उपाध्यक्ष नारायण गुरुङ र महासचिब प्रेम तामांग रहेका छन् भने विभिन्न देशमा गठित ओखलढुंगा सेवा समाजका अध्यक्षहरु सोही देशका संयोजक रहेका छन् । जसमा क्रमशः फडिन्द्र अधिकारी दक्षिण कोरिया संतोस बानिया जापान , भिम तामाङ कतार र आयुष्मा गुरुङ साइप्रसका संयोजक रहेका छन् ।
साथै ओखलढुंगा एकता सेवा समाज मलेसियाका अध्यक्ष सुरेन्द्र श्रेष्ठ , अमेरिका र क्यानाडाबाट दिनबन्धु प्रेमी, अस्ट्रेलियाबाट अम्विका श्रेष्ठ , बेल्जियम र नेदरल्यान्डबाट सुवास गुरुङ , हङकङबाट नरेन्द्र गुरुङ , युएइबाट जितेन्द्र गुरुङ , साउदीबाट सुबाश मोक्तान , कुवेतबाट श्याम पराजुली , इजरायलबाट निरा गुरुङ , पोचुर्गलबाट यज्ञ मगर र भारतबाट पेसल राज बुढाथोकीको संयोजकत्व रहेको छ ।
यस संजालद्धारा संचालित अभियानबाट संकलित आर्थिक सहयोग मार्फत जिल्लामा आवश्यक स्वास्थ्य सामग्री पठाउनेक्रम जारी छ । तुरुन्तै जिल्लाका ८ पालिकामा ४० लिटरको ५।५ अक्सिजन सहयोग गर्ने तयारीमा रहेका संजालले जनाएको छ ।
