कोरियामा एनआरएनका पूर्व अध्यक्ष केपी सिटौलालाई परेको पत्नि शोकले नेपाली समाज दुखी
विश्वलाई कोरोनाले आक्रान्त बनाएको बेला दक्षिण कोरियामा रहेका नेपाली समुदायमा भने फाट्ट फुट्ट संक्रमित सुनिएपनि खासै शोकाकुलको अवस्था आएको थिएन । तर सोमबार अपराहन्नदेखि फेसबुकमा भुसको आगो झै फैलिएको एक श्रद्धाञ्जलीको सूचनाले कोरियासंग सम्बन्धीत नेपाली समुदायलाई दुखी बनायो । त्यो सूचना थियो कोरियाका नेपाली समुदायका अग्रज एनआरएन कोरियाका पूर्व अध्यक्ष, सफल व्यवसायी, समाजसेवी केपी सिटौलाको धर्मपत्नि रिता बस्नेतको कोरोनाका कारण निधन भएको खबरसंगै श्रद्धाञ्जली अर्पण ।
भारतको सिक्किममा आफ्नो विरामी बुबालाई भेट्न माइत पुगेका रिताको उतै निधन भएको थियो । कोरोना संक्रमीत विरामी बुबाको निधन भएको १४ दिनपछि स्वयम संक्रमित रिताको पनि निधन भएको थियो । २ हप्ता अघि बुबा भेट्न गएका पत्नि कहिले फर्केर नआउने गरी विदा लिएको त्यो मर्माहित खबरले सबैको मुटु दुखाएको छ । आइतबार निधन भएको रिताको सोमबार सिकिक्ममै अन्त्येष्टी गरिएको परिवारीक स्रोतले जनाएको छ । ४४ वर्षिय अल्पायु मै कोरोना महामारीले रिताको ज्यान लिएपछि एक्लो बनेको पति र नाबालक छोरा र छोरीको अवस्थाले सबैलाई भावुक बनाएको छ ।
सिटौला परिवारले कोरिया मै पत्निको तस्वीर राखी ३ दिनको लागि श्रद्धाञ्जली कार्यक्रम राखीएको छ । अचानक आइपरेको यो बज्रपातबाट आफूलाई समाल्दै सिटौलाले फेसबुकमै पत्निलाई अलविदा भन्दै मार्मिक भावना पोखेका छन् ।
सिटौला लेखेकाछन ः
” म के गरौरु के भनेर नानिहरुलाई बुझाऔ, सम्झाऔ। दिल खोलेर रुने छुट पनि मलाई रहेन। तिम्रा मायाका निसानिहरुका लागि बाच्ने आसिर्बाद त दिन्छौ नि ? बुबाको अबस्था चिन्ताजनक भएर भेटन जान्छु भन्दा मैले रोक्न नसक्नु नै मेरो लागि यो बज्रपात आई पर्यो। ”
कोरोना महामारीबाट लाखौ हजारौले आफन्त गुमाएर भोग्नु परेको अशहय पीडा र वेदनाले निम्ताएको सामाजीक शोक अन्तत कोरियाबासी नेपाली समुदायले पनि महशुस गरे । यस घडीमा पीडामा छटपटीएका सिटौला परिवारलाई थोरै भएपनि सान्तवना मिल्ने गरी नेपाली समुदायको सुभक्षा र समबेदनाको आवश्यक छ ।
