सोनसिकद्धारा आयोजित गायन प्रतियोगितामा जगदीश भए प्रथम
नेपाली विद्यार्थी समाज, दक्षिण कोरिया (सोनसिक) द्वारा आयोजना गरिएको अनलाइन गायन प्रतियोगितामा जगदिश कुमार खत्रीले प्रथम स्थान हासिल गरी पाँच लाख वन पुरस्कार थापेका छन् ।
त्यसैगरी तृष्णा किसुजु दोस्रो र मुना पौडेल तृतीय भएका थिए । उनीहरले क्रमशः तीन र दुई लाख वोन पुरस्कार सँगै प्रमाण पत्र प्राप्त गरेका छन् । प्रतियोगिताको निर्णायक मण्डलमा गायक तथा संगितकार डिआर अटु , बालकृष्ण सेवाचार्य र मिलन थापाले रहेका थिए।करिब एक महिनासम्म चलेको प्रतियोगिता डिजिटल अडिसन, टप १५ र टप ५ को चरणबाट गत आइतबार विजेताहरुको घोषणा गरिएको थियो ।
नेपाली विद्यार्थीहरूको साझा संस्था रहेको सोनसिकले शैक्षिक कार्यक्रम मात्र नभई विभिन्न क्षेत्रका कार्यक्रमहरुलाई समेट्दै आएको छ। कोरियामा बसोबास गरिरहेका विद्यार्थीहरु मात्र नभएर संगीत क्षेत्रलाई माया गर्ने सम्पूर्ण नेपाली साङ्गतिक मनहरुलाई समेट्ने उद्देश्यले यस प्रतियोगिताको आयोजना गरिएको सोनसिकका अध्यक्ष राजाराम श्रेष्ठले बताए । कार्यक्रम सोनसिककोआधिकारिक फेसबुक पेज र युटुव च्यानल मार्फत प्रसारण गरिएको हो ।
