दक्षिण कोरियाबाट काभ्रेका लागि स्वास्थ्य सामग्री सहयोग


काभ्रे सम्पर्क समिति दक्षिण कोरियाको पहलमा संकलित सहयोग रकम रु ४ लाख २५ हजार पाँच सय बराबरको स्वास्थ सामाग्रीहरु जिल्ला प्रशासन कार्यलय तथा संकट ब्यवस्थापन समितिलाई हस्तान्तरण गरिएको छ ।

बिहिवार (जुन 10) जिल्ला प्रशासन कार्यलय काभ्रेको प्राङ्गणमा एक कार्यक्रम गरि प्रमुख जिल्ला अधिकारी(सिडिओ) एवं जिल्ला संकट व्यवस्थापन संयोजक शिवराम पोखरेल सहायक प्रमुख जिल्ला अधिकारी अमर दिप सुनुवार र स्वास्थ्य कार्यालय काभ्रेका प्रमुख बरिष्ठ स्वास्थ्य प्रशासक डा. नरेन्द्रकुमार झा लगायतको उपस्थितिमा उक्त सामाग्री हस्तान्तरण गरिएको हो ।

सहयोग सामग्रीहरुमा २६ वटा अक्सिजन सिलिन्डर, पि.पि.ई सेट २६ थान र मास्क ५२ प्याक रहेको छ । हस्तान्तरण कार्यक्रममा बोल्दै सिडिओ पोखरेलले बिदेशमा पुगेर पनि आफ्नो ठाउँमा परेको समस्यालाई बुझेर यसरी सहयोग गरेकोमा धन्यवाद दिएका थिए । “नेपालमा अहिले संक्रमण छ । त्यसमा पनि महामारी र धान्नै नसक्ने गरि संकटको अवस्था भएको बेलामा यसरी सहयोग गरेकोमा कोरियामा रहेका जिल्ला बासी सम्पुर्णमा हार्दिक धन्यवाद !” पोखरेलले भने । साथै उपलव्ध सहयोग सामग्रीहरु सबै स्थानीय तहहरुमा आवस्यकताको आधारमा समान रुपले वितरण गर्ने प्रतिबद्धता पनि जनाएका छन् ।

सिलिन्डर लगायतको सामग्रीहरुको खरिदका लागि नेपालमा रहेका संस्थाका संरक्षक सल्लाहकार यम श्रेष्ठ र सचिब चिरञ्जीवी तिमल्सिना लगायतले सहयोग गरेका थिए । स्वास्थ्य सामाग्री हस्तान्तरण कार्यक्रममा भने पत्रकार महासंघ काभ्रेका निवर्तमान अध्यक्ष मोतिराम तिमल्सिना, काभ्रे सम्पर्क समिति दक्षिण कोरियाका सल्लाहकारहरु रामकृष्ण आचार्य, श्रमदिप चौलागाईं, तपस तामाङ लगायत संस्थाका शुभचिन्तक बिजय बस्नेत, विमल तामाङ र साङ्गे छिरिङ्ग लामा लगायतको सहभागीता रहेको थियो ।

काभ्रे सम्पर्क समिति दक्षिण कोरियाको पहलमा यहाँ रहेका सम्पुर्ण काभ्रेलीहरुमा सहयोगका लागि आव्हान गरेका थिए । आफ्नो मातृभुमीलाई परेको पिडालाई अलिकति भएपनि मल लगाउन सकिन्छ कि भन्ने हेतुले सहयोगका लागि संस्थागत पहल गरेको अध्यक्ष सानू लामाले फोनिज कोरियालाई बताएका छन् । “करिब २ हप्ता मात्र चलाएको यस अभियानमा संस्थाको सम्पुर्ण पदाधिकारी, संरक्षक, सल्लाहकार र कोरियामा रहेका सम्पुर्ण काभ्रेली र गैर काभ्रेलीले समेत सक्रिय सहभागीता जनाएकोमा मेरो ब्यक्तिगत र संस्थाको तर्फबाट सम्पुर्णमा हार्दिक धन्यवाद ब्यक्त गर्न चाहन्छु ।’ लामाले भने । संकलित रकमबाट जिल्लाको १३ वटै स्थानीय निकायहरुमा ४० लिटरको २/२ वटा अक्सिजन सिलिन्डर, पर्सनल प्रोटेक्टिभ इक्युप्मेन्ट(पिपिई) २/२ थान र केही मास्क पुग्नेगरी खरिद गरिएको लामाले बताए । साथै नेपालमा रहेर यस अभियानलाई अन्तिम रुप दिन महत्त्वपूर्ण योगदान दिनुहुने सम्पुर्णलाई पनि अध्यक्ष लामाले धन्यवाद व्यक्त गरेका छन् ।

सन २०११ मा स्थापना भएको यस संस्थाले नेपालमा विभिन्न सामाजिक कार्यहरुमा सक्रिय रुपमा सहयोग गर्दै आएको छ । संस्थाले कोरोनाको पहिलो लहरको समयमा पनि सहयोग गरेको थियो । पहिलो लहरको कोरोना महामारिमा सस्थाको तर्फबाट जिल्लाको सबै स्थानीय निकायहरुमा खोलिएको क्वारेन्टाइन तथा आइसुलेसनका लागि खाने पानीको ब्यवस्थापन गर्न २० वटा पानी ट्याङ्कीको व्यवस्था गरिएको थियो । उक्त सहयोग सामग्री भने धुलिखेल नगरपालिकामार्फत सबै स्थानीय तहहरलाई आवस्यकताको आधारमा हस्तान्तरण गरिएको थियो ।

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • आधारभुत शिक्षामा मातृभाषाको सवाल
  • तमू धीं कोरियाको पहिलो बृहत बैठक सम्पन्न ।
  • नेपाल तामाङ घेदुङ ख्यङ्साङ् बुसान शाखाको तेस्रो अधिवेशन जुन ६ मा हुने
  • तामाङ घेदुङ ख्याङसाङ बुसान शाखाको तेस्रो अधिवेशन जुन ६ मा हुने
  • ताजा अपडेट

    ईपिएस

    भिषा सकिएका इपिएस कामदारलाई यही अप्रिल १३ बाट स्वत एक वर्ष भिषा थपिने

    दक्षिण कोरियामा इपिएस मार्फत कार्यरत विदेशी कामदारहरुलाई भिषाको अवधि सकिएपनि यही अप्रिल १३ तारिखबाट स्वात एक वर्ष भिषा थपिदिने भएका छन् । कोरियामा कोरोनाका कारण विदेशी कामदार भित्रिन नसकेपछि कामदारको अभावलाई पुर्ति गर्र्न एक वर्षको भिषा थपिदिने निर्णय ...

    दक्षिण कोरियामा कामदारको तलब बढ्यो

    नयाँ बर्ष सुरु भएसँगै दक्षिण कोरियामा कामदारको न्युनतम तलब बृद्धि भएको छ । गत वर्षको तलब भन्दा १.५ प्रतिशत बढि प्रतिघन्टा ८ हजार ७ सय २० वन (८ सय ७० रुपैया) पाउने भएका छन् । यो बर्ष कोरोना महामारिका कारण देशमा आर्थिक मन्दी भएको भन्दै सन् १९८८ देखि कै कम तलब बढेको हो ...

    एमटियुले कोरियाको प्रवासी श्रमिकका अधिकार बारे अनलाईन शैक्षिक कार्यक्रम गर्ने

    दक्षिण कोरियाका प्रवासी श्रमिक युनियन (एमटियु) ले कोरियामा रहेका प्रवासी श्रमिकहरुको हक अधिकार बारे जानकारी गराउने उद्देश्यले आगामी शनिबार कोरियन समय अनुसार बेलुका ८. ३० बजे  जुम मार्फत अनलाईन शैक्षिक कार्यक्रम गर्ने जनाएका छन् । कार्यक्रममा  प्रवासी ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...