हलेसी रनिङ कप गाङबुक वेलबिङ सेन्टरमा हुने

फोनिज कोरिया संवाददाता

सोल-खोटाङ सेवा समाज कोरियाले खेलकूद बिकास तथा आपतकालिन राहत कोष निर्माण सहयोगार्थ आगामी जुलाई १२ तारिख आईतबारको दिन आयोजना गर्न गई रहेको हलेसी रनिङ कप गाङबुक वेलबिङ सपोर्ट सेन्टरमा हुने भएको छ |

कोरियामा फैलीरहेको मर्सका कारण पहिलो तोकिएको स्थानमा परिवर्तन गरिएपछि सुयो यकको ३ न. गेटबाट माउलबस ९, ११ न.को चढेर 강북 웰빙 스포츠 센터 Gangbuk wellbeing sport center मा ओर्लिएपछि पुग्न सकिने आयोजकले जनाएका छन् | स्थान परिवर्तनका कारण पुगेका क्षति प्रति आयोजकले क्षमा याचना गरेको छ |

यस अघि समाजले गत जुन २८ तारिख आईतबारको दिन राजधानी सोलको तोङदेमुन स्थित लक्ष्मी रेष्टुरेण्टमा सम्पन्न गोलाप्रथा कार्यक्रममा उपस्थित सहभागी १६ टीमकै प्रतिनिधिहरुको उपस्थितिमा खेल टाईशीट प्रकाशन गरिसकेको छ ।

समाजका अध्यक्ष अमृत राईले दिएको जानकारी अनुसार कूल १६ टीमले सहभागिता जनाएको यस आयोजनामा समय अभाव हुन सक्ने सम्भावनालाई मध्यनजर गर्दै बिहान ठीक ९ बजेदेखि खेल संचालन गरिने छ । टाईशीट अनुसार आयोजनाको पहिलो खेल आयोजक टीम खोटाङ सेवा समाज र गुल्मी सम्पर्क समिति बिच प्रतिष्प्रर्धा हुने छ भने दोश्रो खेल पर्वत प्रवासी सेवा समाज र स्याङजा परिवार बिच प्रतिष्प्रर्धा हुने छ ।

यस आयोजनामा समाबेश गरिएको भाग्यशाली चिट्ठामा लेखिएको मिति जुलाई ५ तारिख भएको भएता पनि उक्त चिट्ठाको नतिजा खोटाङ हलेसी रनिङ कप २०१५ आयोजना दिन अर्थात जुलाई १२ तारिख खोलिने छ । खेलकूद बिकास तथा आपतकालिन राहत कोष निर्माण गर्ने लक्ष सहितको यस आयोजनामा कोरियामा रहेका सम्पूर्ण संघ संस्थाहरु, बुद्दीजिवी ,ब्यापार व्यवसायीहरु, बिधार्थी ,पत्रकार लगायत सम्पूर्ण प्रवासी नेपाली दाजुभाई तथा दिदी बहिनीहरुलाई उपस्थित भई भब्य रुपमा सफल पारि दिनु हुन हार्दिक अनुरोध गरिएको छ ।

स्थान:

Line -4 को 수유 역 को ३ न. गेट हिडेर १० मिनेट अथवा माउल बसको ९ र ११ नो चढेर 강북 웰빙 스포츠 센터 अघि ओर्लिने

हलको नाम :- 강북 웰빙 스포츠 센터 Gangbuk wellbeing sport center

बिस्तृत जानकारीको लागि :-

अमृत राई -०१०४६१६८४५५

चित्र गुरुङ -०१०५९४२०१४५

रामप्रसाद राई -०१०४४३६९८०८

अनुप राई -०१०६४४५३७५२९

अरुण राई – ०१०८४४३९७९४