कोरियामा किन र कसरी हुन्छ त ठगि ?
आजभोलि कोरोनाले गर्दा मोबाइल हेरेर बस्ने समय बढेको छ। बाहिर जाने, अथवा शारीरिक रुपले केही गर्ने वातावरण नभएकोले पनि धेरैले मोबाइल र कम्प्युटर चलाएर फुर्सदको समय बिताइरहेको पाइन्छ।
मोबाइल र कम्प्युटर धेरै चलाउँदा मानसिक स्वास्थ्यमा नराम्रो असर पर्ने त थाहा भएकै हो । त्योभन्दा खतरनाक अहिले आएर इन्टरनेटमार्फत ठगि गर्नेहरूको संख्या धेरै बढेको छ। इन्टरनेटमा जति लामो बस्यौ त्यति नै धेरै ठगी विज्ञापनहरु पनि देख्न सक्छौ । कसैले सस्तोमा मोबाइल लगाएत इलेक्ट्रोनिक सामानहरु बेच्नको लागि भनेर राखेको हुन्छ त कसैले नेटवर्ककिङ व्यावस हो भन्दै पैसा कमाउने प्रलोभन देखाइ रहेको हुन्छ।
हामि धेरै नसोची, नबुझी त्यसमा लगानी गर्ने अथवा यति सस्तोमा सामान पाउँछ भने किन नकिन्ने भनी उनीहरुले थापेको पासोमा पर्छौं। केही समय त आफूलाई फाइदानै भएको जस्तो भएतापनि अन्त्यमा यिनीहरुको भनेको धेरैजसो ठगनै हुन्छन्।
यहाँ तल कस्तो कस्तो तरिकाबाट मान्छेहरु ठगिमा परिरहेको छन् भन्ने केहि उदाहरणहरु छन्।
१। फेसबुकबाट सस्तोमा सामान बेच्न भनि फोटो राख्ने , अनि ग्राहकले सामानको पैसा डिपोजिट गर्न बित्तिकै सामान पोस्ट नगरि भाग्ने ( सम्पर्कमा नआउने ) ।
२। नेटवर्ककिङ व्यावसाय हो अथवा यो लगानी हो भन्दै कुनै एउटा साइटमा लगानी गर्न लगाउने र लगानीकर्ता धेरै भएपछि पैसा बटुलेर भाग्ने।
३। पार्टटाईम कामको भ्यकन्सि भन्दै व्याक्तिगत विवरण लिने र अपराधमा प्रयोग गर्ने (अन्त्यमा जसको विवरण अपराधमा प्रयोग भएको उहाँ प्रहरीमा समातिने धाइरहनुपर्ने, यदि आफ्नो व्यक्तिगत विवरण अपराधमा प्रयोग भएपनि होस् भन्ने मनशायले दिइएको ठहरिएमा सजाय पनि भोग्नु पर्ने हुन्छ)।
४। फेसबुक अथवा कुनै सामाजिक सञ्जालमा साथी बनी कुरा गरिसके पछि, हाल केही अप्ठ्यारो परेको भएर केही रकम थोरै समयको लागि सहयोग भनि मागेर पैसा लिएर भाग्ने। ( धेरैले म अमेरिकाको आर्मी हो भनेर झुक्याएको पाइन्छ ) र उनीहरु कम्तीमा पनि दुई तीन हप्तासम्म राम्रोसँग कुरा गर्छन्। अनि आफूलाई प्रेम गर्ने र सम्भव भए भविष्यमा विवाह गर्ने प्रलोभन देखाउने गरेको छ।
६। कुनै फन्ड वा कोईन लगानी गरी धेरै नाफा कमाउने लोभ देखाउने।( यसको लागि कसरी नियन्त्रण गर्ने भन्ने कानुनहरु धेरै बनिसकेको छैन। तर पनि धेरै देशको सरकारहरूले यो हाई रिस्क लगानी भएको कारण पैसा डुबेमामा सहयोग नगर्ने गरेको छ।)
अन्त्यमा यस्ता ठगबाट बच्नको लागि के गर्न सकिन्छ त ?
- यदि नचिनेको नम्बरबाट फोन अथवा मेसेज आउछ भने नहेर्नुस अथवा नऊठाउनुहोस्।
- कसैले आफ्नो व्यक्तिगत विवरण मागेमा केको लागि आवश्यक परेको हो, बुझेर मात्र दिनुहोस्।
- आफ्नो नामबाट कतिवटा मोबाइलको सिमकार्ड लिएको छ , बेलाबेलामा चेक गर्नुहोस। ( वेबसाइटबाट आफैपनि चेक गर्न सकिन्छ अथवा टेलिकममा गई बुझ्न सकिन्छ ) तपाईंको व्याक्तिगत विवरणबाट सिम निकालेर अपराधको लागि चलाइरहेको हुनसक्छ।
- कोहीसँग पनि पैसाको कारोबार नगर्नुहोस्। व्यक्ति व्यक्तिमा पैसाको कारोबार गर्दा, जो व्यक्तिसँग कारोबार गरेको ऊसँग नै सम्बन्ध नराम्रो हुनसक्छ। आजभोलि विदेशलाई पनि बैंकले रिन दिने गरेको छ। यसलाई उपयोग गर्न सक्नुहुनेछ।
- यदि कसैले लगानी गर्नको लागि भन्छ भने, एकदमै बुझेर मात्र लगानी गर्नुहोस्।
( वरपर सबैसँग पैसा सापटी लिएर लगानी गरेर फस्नेहरु पनि छन् )
लेखक – पहिलो नेपाली महिला कोरियन प्रहरी हुन
(हाल दक्षिण कोरियाको ह्वासंग स्थित प्रहरी प्रशासनमा कार्यरत छन् )
