अरुलाई नैतिकताको पाठ सिकाउने सिलवालको मनोमानी, यूएई एनसीसी विवादमा


०९ अगष्ट २०२१ दुबई ।

गैरआवासीय नेपाली संघ (एनआरएनए) संयुक्त अरब इमिरेट्स (यूएई) को विवाद उत्कर्षमा पुगेको छ। अन्य देशका एनसीसीले धमाधम निर्वाचन गराएर नयाँ नेतृत्व चयन गरिसकेको अवस्थामा मध्यपूर्वको महत्वपूर्ण मानिएको यूएई भने निस्क्रिय जस्तै देखिन्छ। यसको सम्पूर्ण दोष कार्यवहाक अध्यक्ष निरञ्जन सिलवाल र उनको समूहलाई लगाउँदा अन्य अर्थ लाग्दैन। किनभने यसअघि उनी अरूलाई आरोप लगाउँदै नेतृत्व हत्याउन सफल भएका थिए। तर, नेतृत्वमा आएपछि उनले यूएई एनसीसीलाई निस्क्रिय मात्र बनाएका छैनन्, एनआरएनको महत्वकांक्षी राहत तथा उद्धार कार्यक्रमलाई थप बदनाम बनाउने दिशामा अग्रसर देखिन्छन्। प्रोजेक्ट शुरु हुनु भन्दा पहिले देखि नै यस प्रोजेक्टलाई युएईमा नगर्न श्रमिक विरोधी तत्वहरुले बाधा पुर्‍याईरहेका थिए । तर पनि तत्कालिन अध्यक्ष प्रकाश कोइरालाले श्रमिकहरुको पक्षमा प्रोजेक्ट लो-प्रोफाइलमा चलाएका कारण श्रमिक विरोधी तत्वहरुले अनेक बखेडा गरि गत वर्ष कोरोना महामारीको पहिलो चरणमा राम्रो काम गरेको एन आर एन ए यूएईलाई दोस्रो लहरमा मानवीय संवेदनाप्रति खासै चासो नदेखाएको भन्दै एनसीसीको बदनामी भइरहेको छ। केही महिनाअघि राहत तथा उद्धार कार्यक्रममा आर्थिक हिनामिना भएको भन्ने हल्लाका बीच अध्यक्ष प्रकाश कोइराला र पासाङ शेर्पा निलम्बनमा परेका थिए। यो हल्ला पनि सिलवाल समूहले नै गरेका थिए ।
यसका लागि आइसीसीले छानवीन समिति नै गठन गर्नुपरेको थियो। पछि छानवीन समितिले प्रतिवेदन बुझाएको थियो जसमा उपाध्यक्ष शेर्पा माथी लगाईएका आरोपहरु केवल राजनैतिक पुर्वाग्रहको आधारमा मात्र लगाएको पुष्टि भएपछि शेर्पाको निलम्बन तत्कालै फुकुवा गरेको थियो भने कोइरालाको निलम्बन ३० जुलाईपछिमा हुने अधिवेसनसम्मको लागि कायम गरेको थियो । त्यतिबेला अध्यक्ष कोइरालाले आर्थिक कारोवारमा उपाध्यक्ष शेर्पाको त कुनै संलग्नता नै नरहेको र आफूलाई समेत नियतवश फसाउन खोजेको आरोप लगाएका थिए। उनीहरूले सिमित समूहले आफ्नो स्वार्थपूर्तिको लागि बखेडा झिकेको बताएका थिए । नभन्दै कोइराला र शेर्पाले भने जस्तै स्वार्थ समूहको चलखेल उजागर हुन थालेको छ ।
निलम्बनमा परेपछि अध्यक्ष कोइराला र शेर्पाले विगतमा गर्दै आएको काम अर्का उपाध्यक्ष निरञ्जन सिलवालको नेतृत्वलाई सुम्पिएको थियो।
तर, सिलवालको नेतृत्वमा रहेको समितिको अपारदर्शी कामले यूएई एनसीसीलाई थप बदनाम बनाएको छ। आर्थिक पारदर्शितालाई लिएर कार्यसमिती भित्रै चरम असन्तुष्टि बढेको छ भने राहत-उद्धार कार्य मनोमानी ढंगले गरिएको देखिएको छ । यसअघि अरुलाई अनिमियताको आरोप लगाएका सिलवाल समूह अहिले आफै आर्थिक अपारदर्शीताको मुद्धामा फस्नुले उनीहरूको नियत पहिलेदेखि नै राम्रो नभएको बुझ्न सकिन्छ। सेल्टर अस्तव्यस्त भएको, एउटै खाटमा २ जना सुत्नु परेको र सेल्टरमा दुर्ववहार भएको भनेर उपाध्यक्ष शेर्पालाई आरोप लगाईएको थियो भने अहिले कार्यवहाक अध्यक्ष सिलवालले संचालन गरिरहेको सेल्टरमा सामान्य मानावधिकार समेत पालना गरिएको देखिदैन, एउटा ८ बाई ६ फिटको कोठामा २ महिने शिशु सहित ५ जना महिलाहरु भुईमै सुतिरहेको पाईएको छ, ती महिलाहरुको लागि व्यक्तिगत स्यानिटेसनको समानहरु समेत उपलब्ध नभएको जानाकारी प्राप्त भएको छ भने त्यति बेला मानव अधिकारको अवस्था सुखद नभएको भन्दै कोइराला र शेर्पाविरूद्ध आगो ओकल्ने कावा अध्यक्ष निरन्जन सिलवालले चलाएको अर्को १२ बाई ८ फिटको कोठामा ६ वटा खाट उपलब्ध भएपनि १५–१६ जना मानिस भूईंमा सुतेको भेटिन्छन्। अर्को १० बाइ ८ फिटको कोठामा १४ जना भुईमै सुतिरहेको समेत पाईएको छ । बरदुबई जस्तो ठाउँमा पुरानो टिमले २५०० दिरहममा एउटा कोठामा ८ जना राख्दा अनियमितता भयो भन्नेहरुले अहिले प्रती दिन एक जनाको १० दिरहमको दरले भेडाबाख्रा झै पिडितहरुलाई राख्दा एउटै कोठाको ३६०० देखि ४८०० सयसम्म तिरेको छु भन्दा अनियमितता भएको छैन भन्ने कुरामा विश्वास नलागेको कार्यसमितिकै सदस्यहरुले भन्न थालेका छन् ।
मासिक ३०० दिरहमका दरले खाना खुवाउन सकिन्छ भनेर कोटेसन उठाउनेहरुले अहिले प्रतिव्यक्ति १० दिरहमका दरले खानाको पैसा तिरीरहेको भने तापनि सेल्टरमा खाना स्वयम् पिडितहरु आफैले पकाउदै गरेको देखिएको छ । आइएलओ जस्तो अन्तर्राष्ट्रिय संस्थाको सहयोगमा सञ्चालन भइरहेको यो प्रोजेक्टमा मानव अधिकारको सामान्य मापदण्ड पछ्याएको पनि देखिदैन। भिजिट भिषामा आएर विचल्लीमा परेका नेपालीलाई बाख्रा कोचेको जस्तै सेल्टरमा राख्ने भएकोले पहिले सेल्टर व्यवस्थापनको लागि उपाध्यक्ष पासाङ शेर्पालाई लगाईएको आरोप केवल नेतृत्व हत्याउने खेल मात्र रहेको कुरा आफै प्रमाणित भएको छ ।

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • एनआरएन कोरियाले जुम मार्फत तिज मनाए
  • महिलाहरु कहिलेसम्म गहनाको दाम्लोमा बाँधिने
  • समकालीन समाजका केही कुरा !
  • बढ्दैछन् म्यासेन्जरको दुरुपयोग गरेर कमाउ धन्दा चलाउनेहरू
  • ताजा अपडेट

    ईपिएस

    कोरिया आउन नपाएका इपिएस पीडितहरुलाई खुशीको खबर

    इपिएस मार्फत रोजगारीको लागि दक्षिण कोरिया आउन लागेको नेपालीहरुमा खुशीको खबर छाएको छ । कोरियन भाषा पास गरी इपिएस प्रणालीको प्रकृयामा रहदै गर्दा गत वर्षदेखि कोरोनाका कारण कोरिया प्रवेश गर्न नसकेपछि निकै मानसिक तनाब झेल्दै आएका थिए । त्यसैले इपिएस संघर्ष समिती गठन ...

    २०२२ का लागि काेरियामा बढ्याे तलब

    सन २०२२ का लागि दक्षिण कोरियामा मजदुरको तलब वृद्धि भएको छ । जसअनुसार मजदुरले अव प्रतिघण्टा न्यूनतम ज्याला ९१६० वोन ($७.९८) प्राप्त गर्न सकिनेछ । जुन ५.१ प्रतिशतले वृद्धि हो । अहिले कोरियामा प्रतिघन्टा ८७२० वोन रहेको छ । सरकारी भवन सेजोङमा सोमबार मध्यरातमा २७ ...

    भिषा सकिएका इपिएस कामदारलाई यही अप्रिल १३ बाट स्वत एक वर्ष भिषा थपिने

    दक्षिण कोरियामा इपिएस मार्फत कार्यरत विदेशी कामदारहरुलाई भिषाको अवधि सकिएपनि यही अप्रिल १३ तारिखबाट स्वात एक वर्ष भिषा थपिदिने भएका छन् । कोरियामा कोरोनाका कारण विदेशी कामदार भित्रिन नसकेपछि कामदारको अभावलाई पुर्ति गर्र्न एक वर्षको भिषा थपिदिने निर्णय ...

    महिला / बालबालिका

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...

    कोरियमा तिजको सान्दर्भिकता

    मञ्जु गुरुइ० नेपाली महिलाहरुको एक मुख्य धार्मिक तथा सांस्कृतीक पर्व तीजको आज दरखाने दिन । स्वादेशमा हुने महिलाहरु धेरै जना प्रत्यक्ष मनाइ ...

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...