कोरियामा तमू (गुरुङ)हरुको तथ्याङ्क संकलन र सदस्यता वितरण शुरु, अभियानमा जोडिन तमू धीं द. कोरियाको आग्रह ।


बोम्जन गुरुङ १३ अगष्ट २०२१, सउल कोरिया ।

कोरियामा अति सक्रिय जातीय संस्था तमू धीं दक्षिण कोरियाले कोरियामा रहेका तमू (गुरुङ)को वास्तविक संख्या र अन्य विवरणको आँकडा तयार पार्ने उद्धेश्यले तथ्याङ्क संकलन अभियान शुरु गरेको छ । ईन्टरनेटबाट सहज ढङ्गले अनलाईन वा अफलाईन दुवै प्रक्रियाबाट उपलब्ध गराईएको लिङ्क मार्फत निःशुल्क रुपमा आफ्नो विवरण भर्न सकिने गरि सो अभियान शुरु गरिएको हो ।

तमू धीं दक्षिण कोरियाको अत्यन्तै महत्वपूर्ण कार्ययोजना अन्तर्गत कोरियामा विभिन्न पेशा, व्यवसाय, शैक्षिक र रोजगारीको सिलसिलामा आबद्ध रहेका सम्पूर्ण तमूहरुको तथ्याङ्क संकलनले संस्थाको हरेक गतिविधि, कार्यक्रम, महत्वपूर्ण नीति एवं योजनाहरु तर्जुमा गर्न भरपूर मद्धत पुग्ने तमू धीं दक्षिण कोरियाका केन्द्रीय अध्यक्ष लेसन गुरुङले बताए । विशेषत: सबैखाले समस्या र दुःखद घटनाहरुमा आवश्यक सहयोग र राहत उपलब्ध गर्न र गराउन अझ सहज हुने संस्थाका केन्द्रीय वरिष्ठ उपाध्यक्ष रुपा गुरुङले स्पष्ट पारिन्

तथ्याङ्क संकलन सँगसँगै तमू धीं कोरियाले सदस्यता वितरण अभियानको पनि शुरुवात गरेको छ । सदस्यता वितरण पनि तथ्याङ्क संकलनको प्रक्रिया अनुरुप नै भर्न सकिनेछ । कोरियामा रहँदा भैपरी आउन सक्ने समस्याहरुमा नेपाली राजदूतावाससँग सहकार्य गर्न सहज हुने र सदस्यता शुल्क मार्फत प्राप्त रकमको केहि प्रतिशत आपतकालिन राहत कोषमा जम्मा गरि भविष्यमा सदस्यता ग्रहण गर्नुभएको तमूहरुलाई जुनसुकै दुःख र समस्याको बेला सोही कोषबाट अवस्था अनुसार सहयोग गर्ने यसको महत्वपूर्ण उद्धेश्य रहेको छ । संस्थाप्रतिको अपनत्व अनुभूति हुने विश्वास गर्दै संस्थागत एकता र विकासमा टेवा पुर्याउनु नै सदस्यता वितरणलाई तीव्र पार्नुको अवधारणा रहेको संस्थाका महासचिव सन्तोष गुरुङले तर्क अघि सारे । तथ्याङ्क संकलनको लागि निःशुल्क रहेको छ भने सदस्यता फारामको २०,०००/- कोरियन वोन शुल्क तोकिएको र सम्पूर्ण वैयक्तिक विवरण सुरक्षित र गोप्य रहने संस्थाका केन्द्रीय कोषाध्यक्ष नरेन्द्र गुरुङले थपे ।

दुई दशक भन्दा बढी इतिहास बोकेको गर्विलो संस्था तमू धीं दक्षिण कोरियाले कोरियाभित्र दुई शाखाहरु विस्तार गरिसकेको सन्दर्भसँगै तथ्याङ्क संकलन तथा सदस्यता वितरण अभियानको व्यवस्थापन समिति गठन गरिएको छ । सहजता र थप जानकारीका लागि संयोजक तुरन बहादुर गुरुङ 010-8108-4161 (केन्द्रीय संगठन सचिव), सदस्यहरु मञ्जु गुरुङ 010-2665-3995 (केन्द्रीय सल्लाहकार), लिलु गुरुङ 010-3046-4563 (केन्द्रीय सांस्कृतिक विभाग सह-संयोजक, विल गुरुङ 010-4051-8556 (सचिव, थेगू शाखा), बिक्रम गुरुङ 010-74870738 (सचिव, ख्यङ्साङ्नाम्दो बुसान शाखा) लाई सम्पर्क गर्न सकिनेछ ।

तल उल्लेखित लिङ्कमा गएर आफ्नो सम्पूर्ण आवश्यक प्रक्रिया पूरा गरि यस अभियानलाई सहयोग गर्नुहुन समस्त कोरियामा रहनुहुने तमू दाजुभाई, दिदीबहिनीहरुलाई तमू धीं दक्षिण कोरियाले हार्दिक अनुरोध गरेको छ ।

[तथ्याङ्क संकलन र सदस्यता फारामको लागी यो लिङ्क थिच्नुहोस् 👉 https://forms.gle/BzTXMKad4zwKn5ef9]

★★★★★ धन्यवाद ★★★★★

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • एनआरएन कोरियाले जुम मार्फत तिज मनाए
  • महिलाहरु कहिलेसम्म गहनाको दाम्लोमा बाँधिने
  • समकालीन समाजका केही कुरा !
  • बढ्दैछन् म्यासेन्जरको दुरुपयोग गरेर कमाउ धन्दा चलाउनेहरू
  • ताजा अपडेट

    ईपिएस

    कोरिया आउन नपाएका इपिएस पीडितहरुलाई खुशीको खबर

    इपिएस मार्फत रोजगारीको लागि दक्षिण कोरिया आउन लागेको नेपालीहरुमा खुशीको खबर छाएको छ । कोरियन भाषा पास गरी इपिएस प्रणालीको प्रकृयामा रहदै गर्दा गत वर्षदेखि कोरोनाका कारण कोरिया प्रवेश गर्न नसकेपछि निकै मानसिक तनाब झेल्दै आएका थिए । त्यसैले इपिएस संघर्ष समिती गठन ...

    २०२२ का लागि काेरियामा बढ्याे तलब

    सन २०२२ का लागि दक्षिण कोरियामा मजदुरको तलब वृद्धि भएको छ । जसअनुसार मजदुरले अव प्रतिघण्टा न्यूनतम ज्याला ९१६० वोन ($७.९८) प्राप्त गर्न सकिनेछ । जुन ५.१ प्रतिशतले वृद्धि हो । अहिले कोरियामा प्रतिघन्टा ८७२० वोन रहेको छ । सरकारी भवन सेजोङमा सोमबार मध्यरातमा २७ ...

    भिषा सकिएका इपिएस कामदारलाई यही अप्रिल १३ बाट स्वत एक वर्ष भिषा थपिने

    दक्षिण कोरियामा इपिएस मार्फत कार्यरत विदेशी कामदारहरुलाई भिषाको अवधि सकिएपनि यही अप्रिल १३ तारिखबाट स्वात एक वर्ष भिषा थपिदिने भएका छन् । कोरियामा कोरोनाका कारण विदेशी कामदार भित्रिन नसकेपछि कामदारको अभावलाई पुर्ति गर्र्न एक वर्षको भिषा थपिदिने निर्णय ...

    महिला / बालबालिका

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...

    कोरियमा तिजको सान्दर्भिकता

    मञ्जु गुरुइ० नेपाली महिलाहरुको एक मुख्य धार्मिक तथा सांस्कृतीक पर्व तीजको आज दरखाने दिन । स्वादेशमा हुने महिलाहरु धेरै जना प्रत्यक्ष मनाइ ...

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...