कोरियाबाट डा. देवी बस्नेतले एनआरएन आइसीसीको सचिवमा उम्मेदारी दिने
गैरआवासीय नेपाली संघ एनआरएनएको आगामी अक्टोबरमा नेपालमा हुन लागेको दशौं विश्व सम्मेलन एवं नयाँ नेतृत्वका लागि हुने निर्बाचनमा उम्मेदवारी दिनेहरूको संख्या बढदो छ । विभिन्न पदको लागि विभिन्न देशबाट उम्मेदारी घोषणा भइरहेको छ । यसैक्रममा दक्षिण कोरियाबाट पूर्व आइसीसी सदस्य डा.देवी बहादुर बस्नेतले पनि सचिवको लागि उम्मेदारी दिने तयारी गरिरहेका छन् ।
एनआरएन अन्तराष्ट्रिय समुन्वय परिषद (आइसीसी) मा सचिवको लागि उम्मेदारी घोषणा गर्ने तयारी गरिरहेको फोनिज कोरियालाई बस्नेतले जानकारी गराएका छन् ।
अध्ययनको शिलशिलामा कोरिया प्रवेश गरेका बस्नेत करिब डेड दशकदेखि विभिन्न सामाजिकार्यमा संलग्न भई एनआरएन अभियन्ता बस्नेत कोरियाका अग्रज एनआरएन हुन् । बस्नेतले एनआरएन आइसीसीको सदस्य पदमा रही लगातार ( क्रमशः २००९- २०११, २०११- २०१३ र २०१९- २०२१ ) तीन कार्यकाल विभिन्न क्षेत्रमा काम गरिसकेका छन् । उनी २००६ सालमा स्थापित एनआरएन कोरियाको संस्थापक उपाध्यक्ष हुदै महासचवि र तीन कार्यकालसम्म संरक्षकको भुमिका निभाएका थिए ।
डा. बस्नेतले ( एनआरएनए आइसीसीका बिभिन्न कमिटी तथा ट्याक्सफोर्समा रहेर रचनात्मक कामहरु गरेका छन् । कोरियामा बुद्ध अभियान, दूताबाससंगको समुन्वयमा राहदानी नविकरणको घुम्ती सिविर, एनआरएनए एसिया प्यासीफिकको पहिलो विज्ञ सम्मेलनको संयोजक लगायत विभिन्न रचनात्मक तथा महत्वपुर्ण कार्यसम्पादन गर्दैै आएका छन् ।
कोरियाको सनमुन विश्व विधालयबाट सन २००५ मा रसायन विषयमा विद्यावारीधी प्राप्त गरेका डा. बस्नेतले एन्टिवायोटिक उत्पादन गर्ने ब्याक्टेरियाको जिनहरुको अनुसन्धान गरेका थिए । संखुवासभा आंखिभूई – २ (हाल, धर्मदेबि नगरपालिका ) , मा जन्मेका डा. बस्नेतले कोरियामा विद्यार्थिहरुको संस्था सोनसिकका स्थापक उप सभापति भई विभिन्न सामाजिक कार्य गर्दै आएका छन् ।
