एनआरएन कोरियाको छुइ०छइ० थेजन क्षेत्रिय समितीका अध्यक्ष दिवंगत मदन भुजेलको श्रद्धाञ्जलीसभा सम्पन्न
एनआरएनए दक्षिण कोरियाको छुइ०छइ० थेजन क्षेत्रिय समितिको अध्यक्ष दिवंगत मदन भुजेलको आइतबार जुम मार्फत श्रद्धाञ्जलीसभा सम्पन्न गरिएको छ । एनआरएन क्षेत्रिय समिति र थेजन नेपाली समाजद्धारा संयुक्तरुपमा आयोजना गरिएको श्रद्धाञ्जलीसभामा एनआरएनका पदाधिकारी, थेजन नेपाली समाजका पदाधिकारीहरु, नेपाल तथा कोरियामै रहेका भुजेलका परिवार र थेजन वरीपरीका नेपालीहरुको सहभागिता रहेको थियो ।
कार्यक्रममा नेपालबाट मदन भुजेलका आमा र पत्निले सहभागिता जनाउनु भएको थियो । कार्यक्रममा पत्नि सम्झना भुजेलले श्रीमानको सम्झनामा भक्कानिदै अधुरै रहेको पतिको सपनालाई पुरा गर्ने परिवारको प्रयत्न रहने वाचा गर्दै पतिको शबलाई नेपालसम्म पुराउन सहयोग गर्नुहुने कोरियाबासी सम्पुर्णलाई धन्यवाद ज्ञापन गरीन ।
त्यसैगरी कोरियामै रहेका मदनका भाई प्रेम भुजेल र ओम भक्त भुजेलले दाई मदनको अचानक निधनले निम्ताएको शोक र अन्योलमा रुमलिएको बेला शबको व्यवस्थापन र शब नेपाल पठाउदा गरिने प्रक्रृयामा नेपाल राजदूताबास, एनआरएन पदाधीकारी, कम्पनीका सहकर्मी, थेजनबासी नेपाली समुदाय तथा आर्थिक सहयोग गर्ने सम्पुर्ण कोरियाबासीहरुमा हार्दिक धन्यवाद दिएका थिए ।
एनआरएन क्षेत्रिय समितीका बरिष्ठ उपाध्यक्ष चित्रराज पाठकको सभापतित्वमा सम्पन्न कार्यक्रममा एनआरएन कोरियाका केन्द्रिय बरिष्ठ उपाध्यक्ष संजीव राई, केन्द्रि सदस्य रमेश थापा मगर , माझन एफसीका किरण केसी, कम्पनीमा संगै कामगर्ने सहकर्मी तथा एनआरएन थेजन क्षेत्रिय समितिका सदस्य आशिष गुरुइ०, थेजन नेपाली समाजका वर्तमान अध्यक्ष राम खनाल , पूर्व अध्यक्षद्धय जीपी बास्तोला र गजेन्द्र दाहाल लगायतले शोक मनतब्य राख्दै मदनको व्यक्तित्व र कार्यको सम्झना गरेका थिए ।
मदन भुजेलको गत जुलाई ७ तारिख अचानक हृदयघातको कारण निधन भएको थियो । भुजेलको पार्थिव शरीरलाई नेपाल पठाउन आर्थिक सहयोग गर्ने हेतुले जुलाई ३१ देखि अगष्ट ७ तारिखसम्म आर्थिक सहयोग अभियान संचालन गरिएको थियो । सोही अभियानबाट संकलन भएको जम्मा रकम ५४ लाख ८४ हजार ४९९ कोरियन वन कोरियामै रहेका मदनका कन्दा भाई प्रेम भुजेलको बैकं खातामा पठाएको अभियानका संयोजक रमेश थापाले जानकारी दिए ।
अगष्ठ ७ तारिख सिंगापुर विमानमा मृतक मदनको पार्थिब शरीरलाई नेपाल पठाएको थियो । सिंगापुर ट्रान्जिट हुदै ८ तारिख नेपाल पुगेको थियो । मृतक मदनको जन्म स्थान खोटाडको गाउमा परम्पराग अन्त्येष्टी कार्यक्रम सम्पन्न गरिएको परीवारले जनाएको छ ।
