नेपाल मगर संघ काेरियाद्वारा सहयाेग हस्तान्तरण
नेपाल मगर संघ दक्षिण कोरियाले सहयाेग हस्तान्तरण गरेकाे छ । संघले “कोरिया-नेपाल मगर उत्थान कोष” अन्तर्गत स्वास्थ्य-बिज्ञान शीर्षक अन्तर्गत राष्ट्रिय आबिष्कार केन्द्रलाइ चार लाख र शिक्षा शीर्षक अन्तर्गत सामाजिक अभियन्ता सपना रोका मगरको शैक्षिक बिकासको निम्ति एक लाख हस्तान्तरण गरेकाे छ ।
नेपाल मगर संघ केन्द्रिय भवन कलंकीमा सम्पन्न गरिएकाे एक अनाैपचारिक कार्यक्रममा रकम हस्तान्तरण भएकाे नेपाल मगर संघ गणतन्त्र काेरियाका संरक्षक एवं अक्षयकाेष समितिका संयाेजक अप्त पुन मगरले बताए। उक्त कार्यक्रममा नेपाल मगर संघ केन्द्रका केन्द्रिय पदाधिकारीहरु उपाध्यक्ष गंगा खासु मगर,महासचिब ज्ञानेन्द्र पुन मगर, बिदेश सचिव रक्षा रैका मगर, केन्द्रिय सदस्य तथा एशिया संयोजक चन्द्र ज्योति आले मगर, कोरिया नि-बर्तमान सल्लाहकार अशोक बुढा मगर, निवर्तमान अध्यक्ष सी.पी.मगर, भु.पु.सह-कोषाध्यक्ष सुशीला थापा मगर, सक्रिय सदस्य मुन मगर सहभागी भएकाे नेपाल मगर संघ गणतन्त्र काेरियाका बरिष्ठ उपाध्यक्ष गाेकर्ण थापा मगरकाे उपस्थित रहेका थिए ।
नेपाल मगर संघ गणतन्त्र काेरियाका अध्यक्ष टेक पुन मगरले यस संस्थाकाे सानाे पहलले राष्ट्रिय आविष्कार केन्द्र तथा युवा अभियन्ता सपना राेका मगरलाई थाेरै भएपनि आर्थिक टेवा पुग्ने र आउँदाे दिनहरुमा पनि यसरी नै सामाजिक कार्यमा लागिरहने विश्वास व्यक्त गर्नुका साथै कार्यक्रममा उपस्थित सम्पूर्णमा हार्दिक धन्यवाद एवं आभार व्यक्त गरे। यसैगरी संघका महासचिव केशर राना मगरले नेपाल मगर संघ कोरिया द्वारा सञ्चालित ऐतिहासिक अक्षय कोष लाई दीर्घकालीन प्रभावकारी संस्थागत रूपमा स्थापित गर्नको लागी योजनाबद्ध रुपले संघ लागी रहेको जानकारी दिएका छन् ।
