तमू धीं ख्यङ्साङ्नाम्दो बुसान शाखा दक्षिण कोरियाको पहिलो विशेष अधिवेशनबाट कर्ण गुरुङ नेतृत्वको कार्यसमिति चयन ।

बोम्जन गुरुङ
२० सेप्टेम्बर २०२१, सउल कोरिया ।

तमू धीं ख्यङ्साङ्नाम्दो बुसान शाखा दक्षिण कोरियाको पहिलो विशेष अधिवेशन भर्चुअल जूम मार्फत सम्पन्न भएको छ । आइतबार अनिश गुरुङको सभापतित्व र तमू धीं दक्षिण कोरिया केन्द्रीय अध्यक्ष लेसन गुरुङको प्रमुख आतिथ्यतामा सो अधिवेशन सम्पन्न भएको हो ।

उक्त शाखा संस्थाको संरक्षक गोपाल गुरुङको स्वागत मन्तव्यसँगै शुरु भएको उक्त अधिवेशनमा संस्थाका कोषाध्यक्ष सन्तोष गुरुङले संस्थाको प्रगति प्रतिवेदन र आर्थिक आयव्यय विवरण प्रस्तुत गरेका थिए । “प्ये म्हस्याँ छ्या म्हमु, छ्या म्हस्याँ छ्या ल्हु म्हमु, ल्हु म्हस्याँ म्हि म्हमु” अर्थात् “शास्त्र हराए, संस्कार हराउँछ, संस्कार हराए संस्कृति हराउँछ, संस्कृति हराए मान्छे (जाति) नै हराउँछ ।” भन्ने तमु (गुरुङ) समुदायको विश्वब्यापी नारालाई अनुशरण गर्दै आईरहेको तमू धीं ख्यङ्साङ्नाम्दो बुसान शाखा दक्षिण कोरियाको पहिलो बिशेष अधिवेशनमा विशेष अतिथिहरुमा तमू धीं दक्षिण कोरिया थेगु शाखाका अध्यक्ष हर्क गुरुङ, गैर आवासीय नेपाली संघ राष्ट्रिय समन्वय परिषद दक्षिण कोरियाका वरिष्ठ उपाध्यक्ष सञ्जीव राई, गैर आवासीय नेपाली संघ राष्ट्रिय समन्वय परिषद दक्षिण कोरियाका निवर्तमान अध्यक्ष यज्ञराज सुवेदी, नेपाल मगर संघ किम्हे बुसान शाखा अध्यक्ष धन सलामी मगर, नेपाल आदिवासी जनजाती महासंघ दक्षिण कोरिया ख्यङ्साङ्नाम्दो बुसान शाखाकी अध्यक्ष परी गुरुङ, नेपाल तामाङ घेदुङ समाज बुसानका वरिष्ठ उपाध्यक्ष सोम योन्जन, तमू धीं दक्षिण कोरिया केन्द्रका सल्लाहकारहरु, लगायत कोरियास्थित विभिन्न जातीय, राजनैतिक धार्मिक र सामाजिक संघ-संस्थाका अध्यक्ष तथा प्रतिनिधिहरुले महाधिवेशन सफलताको शुभकामना सहित आ-आफ्नो मन्तव्य प्रस्तुत गरेका थिए ।

उदघाटन सत्रपछिको बन्द सत्रमा सोही शाखा संस्थाका संरक्षक गोपाल गुरुङको संयोजक, सदस्यहरु परी गुरुङ र बिक्रम गुरुङ रहने गरि बनेको निर्वाचन मण्डलले निर्वाचन सम्बन्धी सम्पूर्ण प्रक्रिया पूरा गर्दै नव गठित कार्यसमितिलाई सपथ ग्रहण गराएका थिए । तमू धीं ख्यङ्साङ्नाम्दो बुसान शाखा दक्षिण कोरियाको विशेष अधिवेशनबाट अध्यक्षमा कर्ण गुरुङ, उपाध्यक्ष जिना गुरुङ, उपाध्यक्ष गिता सिंह गुरुङ, उपाध्यक्ष प्रवेश गुरुङ, उपाध्यक्ष फिलिप गुरुङ, सचिव लाल बहादुर गुरुङ, सचिव सन्तोष गुरुङ, सहसचिव मोहन गुरुङ, कोषाध्यक्ष जिवन गुरुङ, सहकोषाध्यक्ष अनिश गुरुङ र सदस्यहरुमा सुन्दर गुरुङ, सूर्य बहादुर गुरुङ, रेशम गुरुङ, आशा गुरुङ, अञ्जु गुरुङ, सारा गुरुङ, कमला गुरुङ, कृति गुरुङ, बिनीता गुरुङ, राजेश गुरुङ, मनिता गुरुङ सर्वसम्मत चयन भएका छन् ।

जूम भर्चुअलमा विशेष प्राविधिक सहजीकरणसँगै कार्यक्रम सञ्चालन संस्थाका सचिव गितासिंह गुरुङले गरेका थिए । तमू धीं ख्यङ्साङ्नाम्दो बुसान शाखा दक्षिण कोरियाको विशेष अधिवेशनलाई सफल बनाउन प्रत्यक्ष, अप्रत्यक्ष र जूम भर्चुअल मार्फत जोडिएर उपस्थित समस्त महानुभावहरुलाई आयोजकले हार्दिक धन्यवाद व्यक्त गरेको छ ।