तनहुँ सम्पर्क समिति कोरियाको तेह्रौं अधिवेशनबाट दीपक थापा मगर नेतृत्वको कार्यसमिति चयन
बोम्जन गुरुङ
२२ सेप्टेम्बर २०२१, सउल कोरिया ।
तनहुँ सम्पर्क समिति दक्षिण कोरियाको तेह्रौं अधिवेशन भर्चुअल जूम मार्फत सम्पन्न भएको छ । गत २० तारिक सोमबार संस्थाका अध्यक्ष सबिन गुरुङको सभापतित्व र नेपाली सम्पर्क समिति दक्षिण कोरियाका अध्यक्ष श्री प्रसाद श्रेष्ठको प्रमुख आतिथ्यतामा सो अधिवेशन सम्पन्न भएको हो ।
संस्थाको वरिष्ठ उपाध्यक्ष खुम बहादुर थापाको स्वागत मन्तव्यसँगै शुरु भएको उक्त अधिवेशनमा संस्थाका महासचिव दीपक थापा मगरले प्रगति प्रतिवेदन र सम्पूर्ण आर्थिक आयव्यय विवरण संस्थाका सचिव प्रताप अछामीले प्रस्तुत गरेका थिए । “आपसी सहयोग, सद्भाव र एकता, हामी प्रवासीको आवश्यकता” भन्ने संस्थाको मूल नारालाई अनुशरण गर्दै आईरहेको तनहुँ सम्पर्क समिति दक्षिण कोरियाको तेह्रौं अधिवेशनमा विशेष अतिथि र अतिथिहरुमा नेपाली जनसम्पर्क समिति दक्षिण कोरियाकी सभापति आस्था विन्दु मल्ल, संस्थाका संरक्षक विष्णु थापा, प्रमुख सल्लाहकार दिनेश पाण्डे र सल्लाहकार गिरीराज कुँवर लगायत कोरियास्थित क्षेत्रीय, राजनैतिक, जातीय, धार्मिक लगायत विभिन्न संघ-संस्थाका अध्यक्ष तथा प्रतिनिधिहरुले अधिवेशन सफलताको शुभकामना सहित आ-आफ्नो मन्तव्य प्रस्तुत गरेका थिए ।
उदघाटन सत्रपछिको बन्द सत्रमा संस्थाका सल्लाहकार लक्ष्मण राना मगर संयोजक रहने गरि सदस्यहरु दिनेश पाण्डे, विष्णु थापा र खेम थापाको निर्वाचन कमिटीले निर्वाचन सम्बन्धी सम्पूर्ण प्रक्रिया पूरा गर्दै नव गठित कार्यसमितिलाई सपथ ग्रहण गराएका थिए । तनहुँ सम्पर्क समिति दक्षिण कोरियाको तेह्रौं अधिवेशनबाट अध्यक्षमा दीपक थापा मगर, वरिष्ठ उपाध्यक्ष सुदर्शन भण्डारी, उपाध्यक्ष लक्ष्मी राना मगर, महासचिव विमल थापा मगर, सचिव प्रताप अछामी, कोषाध्यक्ष कमला भण्डारी, सदस्यहरुमा संगम राना, सुनिता राना, कुसुम थापा, यम थापा, विनोद थापा, सुमन थापा, सुनिल श्रेष्ठ, सूर्य भूषाल, दीपक पुरी, सुजन बस्याल, शिव सारु, सुशिल श्रेष्ठ सर्वसम्मत चयन भएका छन् ।
जूम भर्चुअलमा प्रताप अछामीको विशेष प्राविधिक सहजीकरणसँगै उदघाटन सत्रमा कार्यक्रम सञ्चालन संस्थाका महासचिव दीपक थापा मगरले गरेका थिए । तनहुँ सम्पर्क समिति दक्षिण कोरियाको तेह्रौं अधिवेशनलाई सफल बनाउन प्रत्यक्ष, अप्रत्यक्ष रूपमा जूम भर्चुअल मार्फत जोडिएर सहयोग गरिदिनु हुने उपस्थित समस्त महानुभावहरुलाई आयोजकले हार्दिक धन्यवाद व्यक्त गरेको छ ।
