हान्गुल नालः नेपालका सुजन शाक्य अन्तर्राष्ट्रिय राजदूतमा नियुक्त

कोरियाली भाषा लिपी (हन्गुल नाल) दिनको अवसर पारेर नेपालका सुजन शाक्य ‘सेजोङ हाङगुल हुन्मिन्जङउम’को अन्तर्राष्ट्रिय राजदूतको रूपमा अक्टोवर ५ मा नियुक्त भएका छन् । दक्षिण कोरियामा शाक्य लामो समयदेखि ‘कोरिया आप्रवासन सेवा (Korea Immigration Service)’ मा दोभासे तथा अनुवादकका रूपमा काम गरिरहेको छ । सुजन शाक्य दक्षिण कोरियाली समाजमा पनि युट्युब ब्लगरको रूपमा समेत लोकप्रिय नाम हुन् ।

दक्षिण कोरियाको बिकास क्रममा कोरियाली भाषा लिपी (हन्गुल नाल) लाइ एतिहासिक दिनका रूपमा मनाइरहेको छ । कोरियाको इतिहासमा जोसन राजवंशको पालामा कोरियाको महान राजा सेजोङले सन् १४४७ मा कोरियाली लिपीको अविस्कार गरि औपचारिक रूपमा सुरूवात गरको पाइन्छ ।

तस्वीर स्रोतः सुजन शाक्य

आज अक्टोवर ९ तारिक कोरियाली भाषा लिपी दिवस (हान्गुल नाल) हो ।  विश्वमा सबैभन्दा निपूर्ण लिपि; “हुनमिनजङउम्” हान्गुलको महानता यसको लचकता,  मनिसहरुले निकालेको आवज जस्ताको त्यस्तै लेख्न सकिने एक वैज्ञानिक भाषा हो । जुन युग अनुसार परिवर्तन भई अनुकूल हुन सक्ने महान् विश्व सम्पदालाई अर्थ लाग्ने गरी विश्वभर चिनाउने सक्दो कोसिस गर्ने शाक्यले प्रतिवद्धता व्यक्त गरेका छन् ।