चर्चित गीत “डांडा पारी हिमाल” को म्युजिक भिडियो सार्वजानिक (तमुनिटी) दशैं कोसेली
वि.स. २०५८ सालमा स्थापित लमजुङ जिल्लाकै एक मात्र लेजेन्डरी सांगितिक समूह “मर्स्याङ्दी ब्याण्ड” मा समावेश रहेको लोकप्रिय “डांडा पारी हिमाल” बोलको गीतको रि-मेक भर्सन् भिडियो सहित सार्वजानिक गरिएको छ । बडा दशैंको अवसर पारेर रिलिज गरिएको रहेको गीतलाई गुरुङ भाषाका पहिलो र्यापर-गायक ज्ञानेन्द्र गुरुङ (लमजुङे आच्यो) ले बजारमा ल्याउने जमर्को गरेका हुन् । लमजुङ जिल्लाकै चिनारीको रुपमा स्थापित यस गीतको छायांकनमा लमजुङ जिल्लाकै रमणिय दृश्यहरुलाई समेटिएको छ ।
ब्याण्डमा समावेश रहेका गीतहरु मध्येको सुपरहिट गीत “डांडा पारी हिमाल” लाई लमजुङ हिले टक्सार बेसी (रातो माटो) का हाल अमेरिका निवासी जय गुरुङ ज्युले लेख्नु भएको हो भने लमजुङ हिले टक्सार (लांकुरीबोट) हाल बेसीशहर निवासी बिकास गुरुङ ज्युले स्वर दिनु भएको हो । त्यसै गरी ब्याण्डमा भोकलिस्ट सजक चुंडाल , गिटारिष्ट फुर्पा छिरिङ लामा , ड्रमर बिनोद गुरुङ , म्यानेजर राजेन्द्र गुरुङ , प्रोड्युसर राम कुमार गुरुङ, प्रदिप गुरुङ ब्याण्ड मेम्बरमा आबद्द हुनुहुन्थ्यो ।
रि-मेक भर्सनमा यस गीतलाई लमजुङ बेसीशहरका लक्ष्मण घलेले – लक्षुले स्वर दिनु भएको छ भने संगीत रि-एरेन्ज तेजेन्द्र गुरुङ ज्युले गर्नु भएको हो । “तमु-निटी” का संस्थापक ज्ञानेन्द्र गुरुङ स्वंयमले निर्देशन गरेको यस गीतको म्युजिक भिडियो प्रति धेरै जनाको पर्खाई र उत्सुकता रहेको कारण अन्य प्रोजेक्ट भन्दा यसमा चाहिँ अलि धेरै जिम्मेवारि बोधका साथ काम गरेको भएता पनि सुटिङको बेला माैसम अनुकुलताले गर्दा त्यहां बाट देखिने सुन्दर हिमालका दृश्यहरु कैद गर्न नपाए पछि आफ्नो स्टोरी बोर्ड अनुसार काम गर्न नपाएको दुख व्यक्त गर्नु भएको छ । नमस्ते पोखरा ब्रोडकास्टिङ स्टुडियोमा रेकर्ड गरिएको यस गीतको म्युजिक भिडियो निर्माणका लागि हाैसलाका साथ सहयोग गर्नु हुने घनिष्ट मित्रहरु नरेन गुरङ (युके), जय गुरुङ (अमेरिका), मन प्रसाद गुरुङ (अमेरिका), सुरेस रावल क्षेत्री (अमेरिका), मेघ प्रसाद वाईबा (कोरिया), नवराज गुरुङ (गोरे,कोरिया), सैलेस गुरुङ (बेसीशहर,हङकङ), क्षेत्र गुरुङ (घाचोक), खुशीराम गुरुङ (खासुर), लगायत प्रत्यक्ष अप्रत्यक्ष जोडिनु हुने सबै प्रति तमुनिटी समूहले आभार व्यक्त गर्नुभएको छ ।
मोडेलहरु : मनोज गुरुङ | जोस्ना गुरुङ
