नेपाल आदिवासी जनजाति महासंघको सातौं महाधिवेशन सम्पन्न अध्यक्षमा विक्रम रानामगर
नेपाल आदिवासी जनजाति महासंघ दक्षिण कोरियाको सातौं महाधिवेशन आईतबार सम्पन्न भएको छ । महाधिवेशनबाट विक्रम रानामगर(वाईवी) को अध्यक्षतामा कार्यसमिति गठन भएको छ ।
कार्यसमितिमा उपाध्यक्षहरु आङसोनाम शेर्पा र विशन राई, महासचिव प्रितम लिम्बू, सचिवमा देवेन्द्र काङमा लिम्बू रहेका छन् । उपाध्यक्ष, सचिव, कोषाध्यक्ष र केही सदस्यहरुका पद भने खाली छन् । सदस्यहरुमा दिपक मगर, रविन बान्तवा र सूर्य रुम्बा रहेका छन् ।
कोरोना महामारीका कारण जुम अनलाईन मार्फत भएको कार्यक्रम नेपाली राजदुतावासका कार्यवाहक राजदुत रामसिं थापा, विभिन्न देशका महासंघका प्रतिनिधिहरु र कोरियामै रहेका विभिन्न जातिय तथा क्षेत्रीय संघसंस्थाका प्रतिनिधिहरुले कार्यक्रमलाई सम्बोधन गरेका थिए भने प्रवासी मजदुर युनियन(एमटुयू)का अध्यक्ष उदय राईलाई सम्मान पनि गरिएको थियो ।
एक करोड ५० लाख वनको आदिवासी उत्थान कोष
महासंघले कोरियामा नेफिन हाउस दीर्घकालीन लक्ष्य अन्तरगत १ करोड ५० लाख वनको आदिवासी उत्थान कोषको स्थापना गर्ने भएको छ । कोषबाटै नेपालका जेहेन्दार विद्यार्थीलाई छात्रबृद्धि दिनुको साथै विभिन्न सामाजिक कार्यमा समेत यो रकम प्रयोग हुनेछ । ‘यस कोषको संचालनको लागि महासंघको विधानको अधिनमा रहेर कार्यविधि वनाउने महासंघका निवर्तमान अध्यक्ष युगेल शेर्पाले बताए । हामीले यस कोषलाई व्यबस्थित र पारदर्शी वनाउन कोष संचालन कार्यविधि बनाउने भएका छौं । कार्यविधि अनुसार नै कोषको संचालन हुनेछ ।’ उनले भने ।
