दोस्रो तामाङ सेलो संगीत महोत्सव-२०७८ मंसिर २४ र २५ मा हुने
नेपाल तामाङ कलाकार संघ नेपालले “दोस्रो तामाङ सेलो संगीत महोत्सव-२०७८” आगामी मंसिर २४ र २५ मा हुने तामाङ घेदुङको सभा हलमा बिहीबार आयोजित पत्रकार सम्मेलनमार्फत बताएको छ ।
“हाम्रो संस्कार संस्कृतिको संरक्षण सम्बर्द्धन र प्रबर्द्धन गरौं, दोस्रो तामाङ सेलो संगीत महोत्सव-२०७८ हामी सबै मिलि सफल पारौं ।” नाराका साथ हुने महोत्सवको मूल आकर्षणमा ताम्बा संस्कृति रहने नेपाल तामाङ कलाकार संघका अध्यक्ष विश्व दोङले जानकारी दिनुभयो । साथै तम्बाहरुद्वारा डम्फुको महत्त्वलाई प्रस्ट्याउने र ताम्बा संस्कृति गीतहरूको प्रस्तुति रहने समेत अध्यक्ष दोङले जानकारी दिए ।
विशेषताः महोत्सवमा तामाङ संस्कृति सभ्यतासँग सम्बन्धित सबै पक्ष समेटिएको प्रस्तुतिहरू हुने आयोजकले बताएको छ । साथै सेलो‚ खान्दोके, म्हेन्दोमाया र फापारे गीत नृत्यहरू प्रस्तुति हुनेछन् ।
संघले प्रत्येक वर्ष गर्ने भनिएको महोत्सव कोरोनाको कारणले गर्न नसकिएको जनाएको छ । साथै “ऐतिहासिक तामाङ सेलो संगीत तथा तामाङ खाना महोत्सव २०७६” नेपाल तामाङ कलाकार संघ, नेपालको आयोजनामा मङ्सिर २७ र २८ गते सम्पन्न भएको थियो ।
महोत्सव काठमाडौंको बौद्ध चुच्चेपाटिस्थित होटल हयातको ग्राउण्डमा हुनेछ । संघले इच्छुक महानुभावहरूको लागि स्टल बुकिङ खुल्ला भैसकेको समेत जानकारी गरिएको छ ।
