कोरियाले प्रवासी कामदारहरुको एकबर्ष भिषा थप्ने निर्णय गर्दैं
दक्षिण कोरियामा रहेका विदेशी कामदारहरुको कोरोना भिषा अवधि थप एक वर्ष थपिने भएको छ । उक्त निर्णयले कोरियमा रहेका प्रवासी कामदारहरू खुशी भएका छन् ।
श्रम मन्त्रालयले हाल कोरियामा कार्यरत २०२२ जनवरी देखि २०२२ अप्रिल १२ सम्म ३ बर्ष अथवा ४ बर्ष १० महिना अवधि सकिने प्रवासी श्रमिकको कार्यावधि थप गर्ने सहमति भएको छ । मंगलबार श्रम मन्त्रलयको अधिकारी र प्रवासी मजदुर सगठन (एमटीयु) केसीटियु बीच भएको बैठकमा बताएको छ । यो कुराको अन्तिम निर्णय १० तारिख पछी आउने एमटीयुका अध्यक्ष उदय राइले जानकारी गरिएको छ ।
कोरोना महामारीले कोरिया आवतजावतमा कठिनाईका कारण इपिएस अन्तर्गतको नयाँ तथा प्रतिबद्ध प्रवासी श्रमिकहरू कोरियामा लामो समयदेखि प्रबेशमा अबरोध भैरहेको छ । त्यसैले कोरियामा विदेशी कामदारको अभाव हुदैं गएपछि सरकारले यस्तो कदम चाल्नु परिरहेको छ । सबै देशबाट प्रवासी श्रमिकको प्रबेश खुला गरे पनि पहिलेको जस्तो प्रवेश गर्न सहज स्थिति बनिसकेको छैन ।
कोरियामै भएका कामदारहरुको भिजा अवधि थप्दा कोरियाले कामदार लैजाने वा नयाँ भाषा परीक्षा प्राकृयामा ढिलाइ गर्न सकिन अनुमान गरेका छन् ।
कोरिया सरकारले पनि पछिल्लो समय कोरोनाको नयाँ भेरियन्ट ओमिक्रोनको संक्रमण ब्यापक रूपमा फैलिएमा कोरिया प्रवेशमा थप कडाइ गर्न सकिन्छ । अहिले कोरियामा कामदार पठाउने १६ वटै देशका इपिएस कामदारहरु कोरिया प्रवेशको पर्खाइमा लामो समयदेखि प्रतिक्षारत रहेका छन ।
